राज्यका सबै निकायमा आरक्षण दिन माग दलित मुस्लिम श्रमिक पार्टीको माँग

Domain Registration Nepal प्रकाशित समय 5:57:00 AM
काठमाडौ, १० माघ । दलित मुस्लिम श्रमिक पार्टीले राज्यका सबै निकायमा दलित र मुस्लिम समूदायलाई जनसंख्याको आधारमा आरक्षण दिन माग गरेको छ । पार्टीले आईतवार रिपोर्टर्स क्लब नेपालमा पत्रकार सम्मेलन गरेर पार्टीकोतर्फबाट ९ बुँदे धारणा सार्वजनिक गर्दै त्यस्तो माग गरेको हो ।पार्टीले एमवीवीएस र ईन्जिनियरिङ्ग मा ४० प्रतिशत अंक ल्याउने दलित र मुस्लिम विद्यार्थीलाई निःशुल्क शिक्षाको ग्यारेन्टी गर्नुपर्ने, ५० वर्ष माथिका मुस्लिम दलित नागरिकलाई जेष्ठ नागरिक सरह सुविधा दिनुपर्ने, संविधान संशोधन गरेर ती समूदायलाई उपचार र सामाजिक सुरक्षाको जिम्मेवारी राज्यले लिनुपर्ने, एक कट्ठा घडेरी र ५ कट्ठा खेत उपलब्ध गराउनुपर्ने लगायतका रहेका छन ।पत्रकार सम्मेलनमा पार्टीका अध्यक्ष रञ्जित पासवानले अहिलेको संविधानले दलित समूदायको मुद्दालाई नसमेटेको र मधेसी मोर्चासहित कसैले पनि नउठाएको भन्दै आफूहरु त्यसकोलागि अभियान सुरु गरेको बताए ।उनले पहिलो चरणमा आफूहरुले प्रधानमन्त्रीलाई ज्ञापन पत्र बुझाएर ध्यानाकर्षण गराएको जानकारी दिए । भर्खरै संविधान संशोधन गरेर मधेसी मोर्चाका केही माग पुरा गरेको केपी ओली नेतृत्वको सरकारलाई मस्लिम पार्टीले अर्को माग राखेर संविधान संशोधन गरी पुरा गर्न भनेको हो । जून पुरा गर्न ओली सरकारलाई धौ धौ पर्नेछ ।

सम्बन्धित समाचार

नयाँ
« Prev Post
पुराना समाग्री
Next Post »