मटिहानीमा एसएसवी र स्थानीयबीच झडप

प्रकाशित समय 6:16:00 PM
महोत्तरी, २७ भदौ । सीमावर्ती बजार मटिहानीमा भारतीय एसएसवी र स्थानीयबीच सोमबार दिउँसो झडप हुँदा एक दर्जन भन्दा बढी स्थानीय घाईते भएका छन् । मधवापुरबाट सिमेन्ट ल्याउने विषयमा भारतीय एसएसवी र स्थानियबीच भएको विवाद झडपमा परिणत भएको थियो। मधवापुरबाट सिमेन्टको वोरा ल्याउने क्रममा एसएसवीले बोरा रोकेर च्याति दिए पछि डिउटीमा खटेका एसएसवीका जवान र सिमेन्ट लिएर आएका युवकबीच हातहालाहाल भएको थियो ।
त्यस लगतै नजिकै रहेको एसएसवी क्याम्पबाट आएका प्रहरी जवानहरुले अन्धाधुन्ध बुट र बन्दुकको कुन्दाले स्थानीयलाई कुटपिट गरेका थिए । एसएसवीको कुटाईबाट मटिहानी ७ का गणेश चौधरी र महेश महतो सहित एक दजर्न स्थानीय घाईते भएको मटिहानी प्रहरी चौकीले जनाएको छ ।
झडपको क्रममा ज४प ८६१८ र ज२प ८०५६ नम्वरको मोटरसाईकल समेत क्षतिग्रस्त भएको छ ।  मटिहानीबाट गएको नेपाल प्रहरी र सशस्त्र प्रहरीको टोलिले सम्झाईवुझाइ गरेपछि समस्या समाधान भएको थियो ।

सम्बन्धित समाचार

नयाँ
« Prev Post
पुराना समाग्री
Next Post »