शिक्षक–कर्मचारीलाई विदाई

प्रकाशित समय 7:21:00 PM
सुरेन्द्र कुमार कामति
सिरहा, ३० भदौ । मुलुकको दोस्रो जेठो चन्द्र उच्च माध्यमिक विद्यालयले सात जना शिक्षक–कर्मचारीलाई विदाई गरेको छ ।
विद्यालयले अनिवार्य अवकास प्राप्त गरेका पूर्व प्राध्यानाध्यापक लगायत ७ जनालाई विदाई गरेको हो । सदरमुकाम सिरहामा रहेको उक्त विद्यालयबाट विदाई हुनेमा पूर्व प्राध्यानाध्यापकद्वय इन्द्रदेव नारायण यादव, रामरतन महासेठ, शिक्षकद्वय महेन्द्र यादव, सिंग्हेश्वर महतो, विद्यालय कर्मचारीहरु गंगा कामती, बासुदेव यादव र राजेन्द्र ठाकुर रहेको प्रध्यानाध्यापक मधुसुधन कर्णले बताए ।
उनीहरुलाई माला, अबिर र डायरी दिई विदाई गरिएको हो । उक्त अवसरमा आफ्ना भनाई राख्दै विद्यालयका शिक्षकहरुले भने, ‘‘तपाईहरुको माया र योगदान अविष्यमरणीय छ । प्रकृतिकै नियम आउनु र जानु रहेकोले यो विदाई गरिएको बताए ।’
त्यस क्रममा विदाई भएकाहरुले विद्यालयले देखाएको उत्साहको प्रशंसा गरेका थिए । विदाई हुनेहरु सेवा अधधिको अढाई दशक यसै विद्यालयमा विताएर अवकास प्राप्त गरेका हुन् ।

सम्बन्धित समाचार

नयाँ
« Prev Post
पुराना समाग्री
Next Post »