चोरीको मोटरसाईकल किनबेच गर्ने दुई पक्राउ

उदयपुर, ३१ भदौ । मोटरसाईकल चोरेर बेच्ने दुईजना पक्राउ परेका छन् । गत ९ गते जिललको दक्षिणी गाविस जोगीदह ६ का इन्द्रबहादुर मोचीको घरबाट चोरेर लगेको स ३ प ४८०९ नम्बरको मोटसरसाईकल चोरको अभियोगमा प्रहरीले सोही ठाउँका १९ वर्षीय मोहम्मद साखिरलाई शुक्रबार पक्राउ गरेको हो ।
यामाहा कम्पनीको उक्त मोटरसाईकल साकिरले चोरेर त्रियुगा नगरपालिका १० देउरीका मनोज चौधरीलाई बेचेको अवस्थामा भेटेर प्रहरीले पक्राउ गरेको जिल्ला प्रहरी कार्यालय उदयपुरले जनाएको छ । जिल्ला प्रहरी प्रवक्ता डिएसपी ओमबहादुर रानामगरले चोरीको मोटरसाईकल देउरीस्थित मोटरसाईकल मर्मत केन्द्र सञ्चालक २७ वर्षीय चौधरीलाई बेचेको अवस्थामा फेला परेको बताए ।

#Headline1 #National #Samaj

सम्बन्धित समाचार