गाडी रोक्दै लुटपाट गर्ने तीन जना पक्राउ

प्रकाशित समय 6:15:00 PM
पर्सा,  २७ भदौ । गाडी रोकेर पैसा लुट्ने गिरोहका तीन जनालाई जिल्ला प्रहरी कार्यालय पर्साले पक्राउ गरेको छ । वीरगञ्ज पथलैया सडकखण्डमा गाडी रोक्दै पैसा लुटपाट गर्ने तीन जनालाई प्रहरीले पक्राउ गरी सोमबार सार्वजनिक गरेको छ । पक्राउ पर्नेमा बारा बहुअरी– ३ का १६ वर्षे रामकुमार पटेल, १६ वर्षे जटाशंकर पटेल र वीरगन्ज– १७ बहुअरीका १७ वर्षे  राजाबाबु पटेल रहेको प्रहरीले जनाएको छ ।
उनीहरुले पर्साको जगरनाथपुरबाट वीरगन्ज आउँदै गरेको चन्दन लुब्रिकेन्टको को १ च ४२५२ नम्बरको गाडी रोकेर लुटपाट गरेको प्रहरीले जनाएको छ । उनीहरुले गाडीका सञ्चालक दुशवी नगरपालिका–५ का नारायण साहलाई कुटपीट गरी ३२ हजार रुपैयाँ र  एउटा मोवाइल लुटेका थिए ।
लुटपाट गर्ने सात जनाको समूह रहे पनि अन्य चार जना भागेको पर्साका प्रहरी प्रमुख डा. राजबाबु श्रेष्ठले बताए । उनीहरुको पनि खोजी भइरहेको उनले बताए ।

सम्बन्धित समाचार

नयाँ
« Prev Post
पुराना समाग्री
Next Post »