परालको थुप्रोमा नवजात शिशु भेटियो

प्रकाशित समय 6:53:00 PM
जनकपुर, ५ असोज । धनुषाको गिद्धाबेलापट्टीमा भर्खर जन्मेको शिशु परालमा फेला परेको छ । गिद्धाबेलापट्टी–८ जोगियारा टोलको दुर्गा मन्दिर नजिक परालमा भर्खरै जन्मिएको छोरी जातको नवजात शिशु फेला परेको हो ।
दुर्गा मन्दिरबाट झण्डै सय मिटर पश्चिममा परालको थुप्रोमा शिशु भेटिएको हो । स्थानीय बासिन्दाले शिशु रोएको आवाज सुनेर परालमा हेर्दा शिशु देखेपछि प्रहरीलाई खबर गरेका थिए । गिद्धाबेलापट्टी प्रहरी चौकीको टोली तत्कालै पुगेर बच्चालाई उपचारको लागि जनकपुर अञ्चल अस्पताल पठाएको छ । अवैध सम्बन्धबाट जन्मिएको शिशु कसैले फालेको हुन सक्ने र बच्चा फाल्ने आमाबुबाको खोजी भइरहेको प्रहरी सहायक निरीक्षक परमानन्द साहले बताए ।

सम्बन्धित समाचार

नयाँ
« Prev Post
पुराना समाग्री
Next Post »