सिरहा नगरपालिकाको अगुवाईमा भलुवाही सडक विस्तार

प्रकाशित समय 2:39:00 AM
  गोलबजार २६ भदौ ।  सिरहा नगरपालिकाको अगुवाई संचालित नगर सरसफाई अभियान अन्तर्गत चोहर्वा सिरहा सडक खण्डमा पर्ने भलुवाही चौकको सडक विस्तार गरिएको छ । 
सडकको मापदण्डलाई मिचेर स्थानीयहरुले व्यक्तिगत रुपमा प्रयोग गर्दै आएको सडक क्षेत्रभित्रको जग्गा खाली गराइएको हो । भलुवाही चौकको दुबैपट्टीको घरटहरा, रुख विरुवा तथा अन्य घरेलु सामग्री खाली गराइएका छन् । 
सडक विस्तारसँगै भलुवाही चौकको सरसफाई पनि गरियो । सरसफाई कार्यक्रममा सामुदायिक तथा निजि विद्यालयमा अध्ययनरत विद्यार्थी, नागरिक अगुवा, समाजसेवी, युवा लगायत अन्य पक्षका सैकडौं व्यक्तिहरुको सहभागीता रहेको थियो ।
सडक विस्तार कार्यलाई स्थानीय युवा तथा अन्य व्यक्तिहरुले भरपुर सहयोग गरेको सिरहा नगरपालिकाका वातावरण शाखा प्रमुख सरेश चौरवारले बताए । उनका अनुसार स्थानीय व्यक्तिहरुको सहयोग नभएको भए सडक विस्तार गर्न समस्या हुन्थ्यो । स्थानीयहरुकै आग्रह अनुरुप जेसिबी लगाएर सडक क्षेत्रमा पर्ने भौतिक संरचना खाली गराएको उनले भने । 
सडकको निर्धारित मापदण्ड अनुसार ५० फिट कायम गरिएको उनले थपे । सडक विस्तार कार्यसँगै व्यवस्थापन तथा अन्य पक्षमा सुधार ल्याउन कार्यनीति बनाएर अघि बढ्ने वातावरण प्रमुख चौरवारले प्रतिबद्धता व्यक्त गरे । स्थानीयहरुको मागलाई अधिकतर रुपमा पुरा गर्ने कार्यालयले प्रयास गर्ने उनले विश्वास दिलाए । 
समयक्रमको विकास भएर सडकको विस्तार नहुँदा दुर्घटना हुने गरेको इलाका प्रहरी कार्यालय विष्णुपुरका इन्चार्ज शिवनारायण यादवले बताए । सडक विस्तार कार्यमा स्थानीयहरुको सहयोगकारी भुमिकालाई उनले प्रशंसा समेत गरे । सडक विस्तारमा स्थानीयले देखाएको सक्रियतासँगै आउने दिनमा त्यसलाई व्यवस्थापनमा सक्रिय रह्न उनले आग्रह गरे ।    
विहान सात बजेसम्म सो चौकमा समान्य चहल पहल मात्र थियो तर साढे सात नबज्दै माहौल नै फेरियो, त्यहाँको । को साना, को ठुला र को कर्मचारी केही फरक थिएन्  माक्स र ग्लोब्स लगाएका अधिकांशको हातमा कुचो (झारु) बोकेका उनीहरुले सरसफाईका विभिन्न नारा लगाउदै सडक सफा गर्न थाले । रुख, विरुवा तथा अन्य झाँडीहरु युवा, विद्यार्थीहरुले घण्टा नबित्दै सफा ग¥यो । 
बाहिरबाट गएर अरु ठाउँ वा चौकको सरसफाई गर्नुको साटो सम्बन्धित ठाउँकै स्थानीयहरुलाई सरसफाईतिर ध्यान तान्ने रणनीति बनाएर अघि बढ्नुपर्ने प्रत्यक्षदर्शीहरुले बताएका छन् । नमूनाको लागि नगर तथा अभियन्ताको टोली पुग्नु राम्रो हो तर आफ्नो गाउँ सफ ागर्न आफै अग्रसरता देखाउनुपर्ने उनीहरुले धारणा राखे । 

सम्बन्धित समाचार

नयाँ
« Prev Post
पुराना समाग्री
Next Post »