कार्यालयमै कागजात असुरक्षित, कागजात हराउन थाल्यो

प्रकाशित समय 8:46:00 PM
शलेन्द्र क्रान्ति
जनकपुर, २ कार्तिक । यातायात व्यवस्था कार्यालय जनकपुरमा सवारीसाधनका कागजातहरु असुरक्षित भएको छ । कार्यालयको लापरवाहीले सवारीसाधन र चालकसंग सम्बन्धीत महत्वपूर्ण कागजातका फाईलहरु हराउन थालेको हो ।
अव्यवस्थित र जतातै छरिएर राखेको फाईल कार्यालयको वेवास्ताको कारण  कारण हराउन थालेको छ । फाईल हराएपछि सेवाग्राहीले सास्ती पाउने गरेका छन् । खरिद विक्री गरिएको सवारीसाधन नामसारी गराउँन तथा हराएको विलबुकको प्रतिलिपी लिन जाने सेवाग्राहीको कागजात कार्यालयमा नभेटिदा उनीहरुले सास्ती पाउने गरेको गुणासो प्रशस्तै सुनिन्छ । हराएको बिलबुकको प्रतिलिपी लिन सोमबार कार्यालयमा गएका धनुषा भूचक्रपुर ४ का जोगी महतोले आफ्नो फाईल नभेट्दा चार दिनदेखि कार्यालय धाउने गरेको गुनासो गरेका छन् । कार्यालय प्रशासनको लापरवाहीले कागजातहरु जहाँतही फालेर राख्दा हराएको र आफु जस्ता सेवाग्रहीले दुःख पाउने गरेको पीडा पोखेका छन् ।
कार्यालयमा कागजात हराउदा त्यसको फाईल पुनः खडा गर्नु पर्ने हुन्छ । जस्को कारण सेवाग्राहीले दिनहु दौडधुप त गर्नु पर्छ नै त्यसको लागि दलाल मार्फत काम गरउनसमेत घुस खुवाउनु परेको सेवाग्राहीहरुको भनाई छ । यता सोही कार्यालयमा फाईलको रेखदेख गर्ने एक कर्मचारीले कार्यालय प्रमुखले कागजात सुरक्षितसित राख्न दराज उपलब्ध गराउँन पटक–पटक माग गर्दा समेत उपलब्ध नभएपछि यस्तो अवस्थामा पुगेको बताए ।
त्यस्तै यस विषयमा यातायात व्यवस्था कार्यालयका निमित प्रमुख एवं अधिकृत अभय गुप्ताले सवारीसाधनका फाईहरुको संख्या बढेकोले तर नभएकाले जसोतसो राखिएको बताए । अव चाँडै कागजातहरु सुरक्षित र व्यवस्थित रुपले राख्ने प्रयासमा लागेको उनको भनाई छ ।

सम्बन्धित समाचार

नयाँ
« Prev Post
पुराना समाग्री
Next Post »