माओवादीलाई नै घेराबन्दीमा पार्ने काम भईरहेको छ ः यादव

प्रकाशित समय 6:56:00 PM
राजविराज, २० असोज । माओवादी केन्द्रका पोलिटव्युरो सदस्य समेत रहेका सप्तरी क्षेत्र नम्वर–३ का सांसद उमेश कुमार यादवले शोषित, उत्पीडित एवम् विभेदमा पारिएका जनताको मुक्तिका लागि माओवादीले संघर्ष गरेकै कारण गणतन्त्र, संघीयता, धर्मनिरपेक्षता लगायतका मुद्दाहरु स्थापित भएको दावी गरेका छन् ।
प्रेस सेन्टर नेपाल, सप्तरीले विहीवार राजविराजमा आयोजना गरेको शुभकामना आदान–प्रदान कार्यक्रममा बोल्दै उनले यस्तो कुरा बताएका हुन् । माओवादीले नै उठाएका मुद्दाहरु स्थापित भएको बताउँदै उनले भने ‘‘माओवादीको बलिदानीपूर्ण इतिहासलाई बिर्सेर यतिबेला माओवादीलाई नै घेराबन्दीमा पार्ने काम भईरहेको छ ।’
मधेशको नाममा शोषक, सामन्त एवम् दलाली गर्नेहरु नै स्थापित भईरहेको बताउँदै पूर्व सिंचाईमन्त्री यादवले सिंहदरबारभित्रै ठूलाठूला सिंहहरु बसेकोले अझैं पनि सर्वसाधारण जनता राज्यको पहुँचबाट बञ्चित भईरहेको बताए । उत्पीडित मधेशी र पहाडी दुवै मिलेर आफ्नो हक अधिकारकोलागि लड्नु पर्नेमा उनले जोड दिए ।
कार्यव्रmममा माओवादी केन्द्रका पोलिटब्युरो सदस्य समेत रहेका सप्तरी क्षेत्र नम्वर २ का सांसद अशोक कुमार मण्डल (अमर)ले जिल्लामा भ्रष्टाचारको विगविगीको कारण विकास कार्यले गति लिन नसकेकोले सञ्चारकर्मीहरुले यस विषयमा कलम चलाई दिन आग्रह गरे ।
माओवादी केन्द्रका पोटिलब्युरो सदस्य महेश प्रसाद यादवले आफुले जनता समक्ष वाचा गरेको कुराको ब्यवहारमा पालना गर्नेतर्पm लाग्न सवैलाई आग्रह गर्दै सवै पक्ष अहिले मुलुकमा जारी संविधानको कार्यान्वयनमा आफ्नो ठाउँबाट योगदान गर्न आग्रह गरे ।
सप्तरी क्षेत्र नं. १ का सांसद एवम् माओवादी केन्द्रका पोटिब्युरो सदस्य मानपुर चौधरीले मधेश आन्दोलन, थारु लगायतका आन्दोलनको पक्षमा आफु सदैव लागेको बताउँदै मधेशी, थारु, आदिवासी, जनजातीहरुले जवसम्म अधिकार नपाएसम्म आफुले लडिरहने बताए ।
सोही कार्यव्रmममा माओवादी केन्द्रका महाधिवेशन आयोजक समितिका सदस्य असर्फी सदा, दिपेन्द्र माझी, हरिनारायण महतो, बैजु यादव, प्रभाकर सिंह, जयप्रकाश यादव, पत्रकार महासंघका का.वा. अध्यक्ष श्रवण कुमार देव, प्रेस युनियनका केन्द्रीय सदस्य अवधेश झा, प्रेस फोरमका सप्तरी अध्यक्ष श्यामसुन्दर यादव, सचिव जितेन्द्र झा, वरिष्ठ पत्रकार शिवहरी प्रसाद भटृराई, नयाँ शक्ति सप्तरीका संयोजक छेदी रजक (विमल), मधेशी मोर्चा सप्तरीका संयोजक सुवी यादव, नगर संयोजक उमेश साह (कमाण्डो), ओम शान्ति हनुमाननगर केन्द्रका डम्वर नारायण यादव, धर्मीहल्फा विकास संस्थाका अध्यक्ष ई. सुर्यनारायण यादव, प्रेस सेन्टर सप्तरीका सल्लाहकार सुरेन्द्र प्रसाद गुप्ता, भगवती प्रसाद यादव, सहिद बेपत्ता परिवारका कविता ठाकुर, प्रेस सेन्टरका विन्दु यादव, भुपेन्द्र मण्डल लगायतका वक्ताहरुले आ–आफ्नो शुभकामना मन्तब्य व्यक्त गरे ।
प्रेस सेन्टर नेपाल, सप्तरीका अध्यक्ष गोपाल प्रसाद गुप्ताको अध्यक्षता तथा प्रेस सेन्टर नेपालका केन्द्रीय उपाध्यक्ष देवराम यादवको प्रमुख आतिथ्यमा शुभकामना आदान प्रदान कार्यव्रmम सम्पन्न भएको हो । कार्यव्रmमको सञ्चालन प्रेस सेन्टर सप्तरीका सचिव दिनानाथ यादवले गरेका थिए ।
यसैगरी माओवादी केन्द्र क्षेत्र नं. १ को क्षेत्रीय भेला सम्पन्न भएको छ । भेलाले माओवादीका नेता तथा कार्यकर्ताहरुलाई पार्टीमै टिकाई राख्नको लागि राजु यादवको संयोजकत्वमा समन्वय समिति बनाईएको छ ।
सो समितिमा डम्वर राई, अशोक यादव, अशोक आचार्य, श्रीप्रसाद यादव लगायतको सदस्य रहेको छ । सो कार्यव्रmममा १ नं. क्षेत्रका सांसद तथा माओवादी केन्द्रका पोलिटब्युरो सदस्य मानपुर चौधरीको उपस्थिति रहेको थियो ।

सम्बन्धित समाचार

नयाँ
« Prev Post
पुराना समाग्री
Next Post »