कालोमोसो दलेको भन्दै मन्दिरका महन्थलाई जरिवाना

प्रकाशित समय 7:34:00 AM
जनकपुर, १२ कार्तिक । जनकपुरका पूर्व गुठी प्रमुख दिपक पाण्डेलाई कालोमोसो दलेको अभियोगमा जिल्ला अदालत धनुषाले जानकी मन्दिरका महन्थ राम तपेस्वर दासलाइ ३० हजार रुपैयाँ जरिवाना गरेको छ ।
शुक्रबार जिल्ला अदालत धनुषाको ईजलास नं. ३ का न्यायाधीश केशवप्रसाद अधिकारीको फैसलाले राम तपेस्वर दासलाई दोषी ठहर गर्दै जरिवाना बापत  ५ हजार र क्षतिपूर्ति वापत २५ हजार गरी ३० हजार रुपैयाँ जरिवाना गरेको हो ।
विस २०७० साल माघ १७ गते जानकी मन्दिरको विवाद प्रकरणमा तत्कालिन जनकपुरका गुठी प्रमुख पाण्डेलाई कालोमोसो दलिएको थियो । केन्द्रिय गूठी संस्थानका तत्कालीन अध्यक्ष तथा प्रशासक पञ्चलाल महर्जनले जानकी मन्दिरका महन्थ राम तपेस्वर दासलाई बर्खास्त गरि जगदीश दासलाइ नियुक्ति गरेपछि विवाद चुलिएको थियो । विवादको क्रममा केही ब्यक्तिले २०७० साल माघ २३ गते गूठी प्रमुख पाण्डेलाई कार्यालयमै पुगि कालोमोसो दलेका थिए ।

सम्बन्धित समाचार

नयाँ
« Prev Post
पुराना समाग्री
Next Post »