पेट्रोलमा मट्टितेल मिसाउने पक्राउ

प्रकाशित समय 5:45:00 PM
महोत्तरी, ४ कार्तिक । महोत्तरीको गौशालाका एक आयल स्टोर्सको पेट्रोल टंकीमा मट्टितेल मिसावट गर्न लागेको अवस्थामा प्रहरीले १ जनालाई रंगेहात पक्राउ गरेको छ । गौशाला नगरपालिका ७ स्थित जीरोमाईलमा संचालित जनक आयल स्टोर्सका संचालक जनक बहादुर श्रेष्ठका ४२ बर्षीय छोरा नविन कुमार श्रेष्ठलाई प्रहरीले पेट्रोलको टंकीमा मट्टितेल मिसावट गर्न लागेको अवस्थामा पक्राउ गरेको हो ।
पक्राउ परेका श्रेष्ठले सो टंकीमा ६ वटा जारमा राखिएको ३ सय लिटर मट्टितेल मिसावट गर्न लागेको अवस्थामा स्थानियहरुले नियन्त्रणमा लिएर प्रहरीमा बुझाईएको ईलाका प्रहरी कार्यालय गौशालाले जनाएको छ ।
संचालक श्रेष्ठले यस अघि पनि यसरी नै पेट्रोलमा मट्टितेल मिसावट गरेर विक्री वितरण गर्दै आएको स्थानियहरुले जनाएको छ । श्रेष्ठलाई नियन्त्रणमा लिएर सो घटनाबारे थप अनुसन्धान भईरहेको प्रहरी निरीक्षक शम्भु पोखरेलले बताए ।
चाडवाडको समयमा पनि महोत्तरीको प्रमुख व्यापारी केन्द्रको रुपमा परिचित रहेको गौशाला बजारमा प्रशासनकोतर्फबाट अनुगमन नभएपछि सेवाग्राहीहरु खुलेआम ठगिदै आएको छ । यसभन्दा अगाडि अनेकौपटक अनुगमन भएतापनि सो अनुगमन देखावटीको लागि मात्र सावित हुने गरेको स्थानियहरुले प्रतिक्रिया दिएका छन ।

सम्बन्धित समाचार

नयाँ
« Prev Post
पुराना समाग्री
Next Post »