भारततर्फ लैजाँदै गरेको अवस्थामा बिहीबार राती मानराजा–५ बाट २५ किलो लागू औषध चरेस नियन्त्रणमा लिएको सशस्त्र प्रहरी बल, सीमा सुरक्षा कार्यालय राजविराजका सशस्त्र प्रहरी उपरीक्षक जयबहादुर खड्काले जानकारी दिए ।शंकास्पद व्यक्तिले बोकेको दुईवटा कालो झोला सशस्त्र प्रहरीको शादा पोशाकको टोलीले चेकजाँच गर्दा उक्त परिमाणको चरेस बरामद भएको हो । ती दुईजना तस्कर चेकजाँच टोलीमा सामेल सशस्त्र प्रहरीका जवान अरुणकुमार यादवको औंला समेत टोकेर छिनालिदिएपछि भागेका छन् । घटनाबारे अनुसन्धान भइरहेको सशस्त्र प्रहरी उपरीक्षक खड्काले बताए । उनका अनुसार फरार तस्करको पनि खोजी भइरहेको छ ।
