माटोको ढिस्कोमा पुरिएर किशोरीको मृत्यु

रौतहट, २ कार्तिक । घर लिपपोत गर्नका लागि मंगलबार विहान लालबकैया खोला छेउँमा माटो लिन गएकी एक किशोरीको ढिस्कोमा पुरिएर मृत्यु भएको छ । रौतहटको सितलपुर बैरगनिया ८ गम्हरिया टोलका रामपुकार यादवको १५ वर्षीया छोरी रुबी कुमारी यादवको ढिस्कोले पुरिएर मृत्यु भएको हो ।
उनी विहान साढे ९ बजेको समयमा गाउँलेहरुसँग माटो लिन गएकी थिइन् । ढिस्कोले पुरिएको उनको शव स्थानीय बासिन्दा र सन्तपुर दोस्तियाका प्रहरीहरु मिलेर बाहिर निकालेका थिए । शवलाई पोष्टमार्टमका लागि जिल्ला अस्पताल गौर ल्याइएको डिएसपी नविनकृष्ण भण्डारीले बताए ।
दिपावली र छठका बेला घर लिपपोत गर्न माटो लिन जाने क्रममा वर्षेनी रौतहटमा ढिस्कोले पुरिँदा ज्यान जाने गरेको छ ।

#Breaking #National #social

सम्बन्धित समाचार