डेढ लाख बराबरको पटाकासहित ‘पटाका मास्टर’ पक्राउ

प्रकाशित समय 5:46:00 PM
इटहरी, ४ कार्तिक । तिहारलाई लक्षित गरि ल्याइएको ठूलो परिमाणको पटाका इलाका प्रहरी कार्यालय इटहरीले बरामद गरेको छ । भारतको जोगबनी नाकाबाट बिराटनगर हुँदै इटहरी ल्याउदै गरेको पटाकासहित एक व्यक्तिलाई समेत पक्राउ गरिएको हो ।
पक्राउ पर्नेमा मोरङ बनिगामा ९ बस्ने ३५ बर्षीय बद्री नारायण चौधरी रहेका छन् । उनलाई एक हजार प्याकेट पटाका सहित इटहरी प्रहरीले पक्राउ गरेको हो । चौधरीले सिमावर्ती क्षेत्रबाट पटाका ल्याएर इटहरी र धरानका बिभिन्न पसलमा बिक्री बितरण गर्ने गरेको बताइएको छ । उनलाई पटाका मास्टरको रुपमा समेत चिनिदै आएको प्रहरीको अनुसन्धानबाट खुलेको छ ।
चौधरीको साथमा मल्टाबारा पटाका बरामद भएको छ । चौधरीले एक प्याकेट पटाकाको १५० रुपैयाँमा बेच्ने गरेको बताइएको छ । सबै पटाकाको मूल्य करिब डेढ लाख पर्ने प्रहरीको भनाई छ । इलाका प्रहरी कार्यालय इटहरीमा पत्रकार सम्मेलनको आयोजना गरि पटाका सार्वजनिक गरिएको थियो ।
पत्रकार सम्मेलनमा बोल्दै इटहरीका डिएसपी नरेशराज सुवेदीले तिहारमा पटाकार आतिसवाजी जस्ता कुरामा प्रहरीले कडाई गर्न थालेपछि यति ठूलो परिमाणमा पटका बरामद भएको बताए ।

सम्बन्धित समाचार

नयाँ
« Prev Post
पुराना समाग्री
Next Post »