रौतहटका किसानहरु पशुविमाप्रति उत्साहित,५ हजार पशुको विमा गरियो

प्रकाशित समय 5:49:00 PM
मनोज साह
रौतहट, ११ कार्तिक । व्यवसायिक पशुपालन तथा कृषिको सम्भावना रहेको रौतहट जिल्लामा पशुहरुको विमा गर्नेको संख्या बर्षेनी बढ्दो छ । पशु विमाका बारेमा किसानहरु सचेत हुन थालेपछि गतबर्षको तुलनामा यस बर्ष विमा गर्नेको संख्यामा बृद्धि भएको हो । कृषि तथा पशु विमा कार्यक्रम लागु भएपछि रौतहटको उत्तरी क्षेत्रका किसानहरु पशु विमा गर्न उत्साहित देखिएका छन् ।Image result for पशुहरु
रौतहटको उत्तरी क्षेत्रमा पशुपालन बढी हुने गरेकोले सोही क्षेत्रमा बढी विमा गरिएको हो । अहिले चन्द्रपुर नगरपालिका क्षेत्रमा मात्र करीव ४ हजार भन्दा बढीको संख्यामा गाई भैसीको विमा गरिएको विमाको काम गर्दै आएका मैनाली एग्रोभेटका संचालक दिनेश मैनालीले जानकारी दिए । गत बर्षभन्दा यस बर्ष २५ प्रतिशत बढी किसानले बिमा गरेका छन् । नेपाल सरकारले ७५ प्रतिशत र पशुधनीले २५ प्रतिशत रकम व्यहोर्ने गरी विमा गर्ने गरिएको मैनालीले जानकारी दिए ।
चन्द्रपुर नगरपालिका भित्र रहेको विभिन्न दुग्ध उत्पादक सहकारीले आफ्ना किसानहरुको पशु विमा गराउने गरेको जयकिसान दुग्ध उत्पादन सहकारी संस्था लिमिटेडका प्रकाश चौलागाईले जानकारी दिए । किसानहरुले लाखौ लगानी गरी पशुपालन गरेको अवस्थामा अचानक पशुको मृत्यु भएपछि उत्पन्न हुने समस्याबाट छुटकारा पाउन पनि किसानहरुले पशुको विमा गर्न थालेको चन्द्रपुर ७ का किसान झल कुमारी कार्कीले बताए । जिल्ला पशु कार्यालय रौतहटका बरिष्ठ पशु चिकित्सक दीनानाथ यादवले जिल्लाका किसानहरुलाई पशु विमा गराउन उत्प्रेरणा गरेकोले गत बर्षभन्दा यस बर्ष विमा गर्नेको सख्या बृद्धि भएको बताए ।

सम्बन्धित समाचार

नयाँ
« Prev Post
पुराना समाग्री
Next Post »