राजविराज, ४ वैशाख । विगत ६ दिनदेखि अनिश्चिकालीन धर्नामा बसेका पत्रकारहरुको माग सम्वोधन नभएको भन्दै सप्तरीका पत्रकारहरुले जिल्लामा समेत पत्रकारहरुले आन्दोलनलाई निरन्तरता दिँदैआएका छन् ।
नेपाल पत्रकार महासंघ शाखा सप्तरीका पदाधिकारीसहित विभिन्न सञ्चारमाध्यममा कार्यरत पत्रकारहरुले सोमवार विहान राजविराजमा प्रदर्शन गरेका हुन् । ‘पत्रकार महासंघमा राजनीतिक हस्तक्षेप बन्द गर, सप्तरीका पत्रकारहरुको माग अविलम्ब सम्वोधन गर, विभेदकारी चश्माले हेर्ने काम बन्द गर, पत्रकारहरुको भावनालाई सम्मान गर, केन्द्रीय समितिको हैकमवादी शैली बन्द गर’ लगायतका नाराहरु लगाउँदै नगरको विभिन्न भाग परिक्रमा गरेको छ ।
पत्रकारहरुको ¥यालीमा महासंघका पूर्व अध्यक्षहरु, केन्द्रीय पार्षद, विभिन्न सञ्चारमाध्यममा कार्यरत कार्यरत पत्रकारहरुको सहभागिता रहेको थियो ।
