लहानलाई चुनाव अघि नै उपमहानगरपालिका बनाउन सरकारसँग माग

प्रकाशित समय 8:11:00 PM
सन्तोष यादब
सिरहा, ४ जेष्ठ । सिरहाको लहान नगरपालिकालाई उपमहानगरपालिका बनाउनुपर्ने सरकारसँग यहाँका सम्पूर्ण राजनीतिक दलले माग गरेको छ । लहान नगरपालिकालाई उपमहानगरपालिका बनाउन आज यहाँ बसेको सर्वदलीय बैठकले सरकारसँग माग गरेको हो ।
लहानस्थित गोपाल सेवा समितिमा संघीय समाजवादी फोरम नेपालका केन्द्रिय सदस्य सत्यनारायण यादबको अध्यक्षतामा बसेको बैठक बसेको थियो । नेपाल सरकारलाई ज्ञापन पत्र बुझाएर लहान नगरपालिकालाई उपमहा नगरपालिकामा रुपान्तरण गर्न आग्रह गर्ने र उपमहानगरपालिकामा रुपान्तरण नगरे आन्दोलनमा उत्र्ने बैठकमा निर्णय भएको नयाँ शक्ति पार्टी नेपालका केन्द्रिय सदस्य राजेश विद्रोहीले जानकारी दिए ।
उनका अनुसार प्रधानमन्त्री पुष्पकमल दाहाल ‘प्रचण्ड’लाई ज्ञापनपत्र बुझाउन यहाँका सबै राजनीतिक दलका प्रतिनिधिहरु भोली नै राजधानी काठमाडौं पुग्नेछन् । पूर्वपश्चिम राजमार्गको बीचमै रहेको लहान नगरपालिका २०३२ सालमै स्थापना भएको हो । २५ वडा रहेको लहान नगरपालिकाको जनसंख्या करिब १ लाख २५ हजार रहेको छ । यहाँ राजा सलहेस फुलवारी (जहाँ वैशाख १ गते मात्र फूल फूल्छ), पञ्चाबती राजदेवी मन्दिर (जहाँ बुद्ध जयन्तीकै दिन लाखौं पशुपंक्षको बली चढ्छ), मानिक दह, पकडिया गढ जस्ता दर्जनौं प्रसिद्ध पर्यटकीय स्थल छ ।

सम्बन्धित समाचार

नयाँ
« Prev Post
पुराना समाग्री
Next Post »