अवैध लागू औषध सहित युवक पक्राउ

प्रकाशित समय 8:23:00 PM

गोलबजार, ४ जेष्ठ ।  भारीमात्रामा अवैध लागुऔषध सहित बुधबार वेलुका एक युवकलाई जिल्ला प्रहरी कार्यालय सिरहाको विशेष टोलीले नियन्त्रणमा लिएको छ । भारतीय बजारबाट सिरहा न.पा.–१२ को कमला नदीको बाधको बाटो मोटरसाइकलमा बोरामा हालेर उत्तरतर्फ लगिरहेको बेला सिरहा कर्जन्हा–८ का २९ वर्षिय सुनिल कुमार साहलाई प्रहरीले नियन्त्रणमा लिएको हो ।
प्रहरीका अनुसार बा. १३ प १३३८ नम्वरको मोटरसाइकलमा बोराभित्र पोका लुकाई ल्याइरहेको अवैध लागु औषध कोरेक्स ७८ बोतल, लुपिजेसिक ३० एम्पुल, डाईजिल्याव ३० एम्पुल, फोटविन एक सय ६१ एम्पुल, फेनारगन २६ एम्पुल, स्पास्मो प्रोक्सिवान एक सय ४४ ट्याब्लेट, नाईट्रोसन दुई सय ९६ सहित  साहलाई प्रहरीले नियन्त्रणमा लिएको हो ।
पक्राउ परेका साहलाई लागू औषध ऐन अन्तर्गत कानूनी प्रक्रिया अगाडी बढाइएको जनाएको  एसपी शेखर कोइरालाले जानकारी दिएको छ ।

सम्बन्धित समाचार

नयाँ
« Prev Post
पुराना समाग्री
Next Post »