विद्युत चुहावट गर्ने १९ जना सहित विद्युती सामग्रीहरु बरामद

प्रकाशित समय 9:49:00 PM

जागेश्वर यादव

लहान, २५ वैशाख । अवैध रुपमा हुकिङ गरेर विद्युत चुहावट गर्ने १९ जनालाई विद्युतीय सामग्री सहित विद्युत प्राधिकरण वितरण शाखा लहानले पक्राउ गरेको छ । नेपाल प्रहरी,सशस्त्र प्रहरी लहान र प्राधिकरण कर्मचारीको संयुक्त हुकिङ नियन्त्रण टोलीले सोमबार अनुगमनको क्रममा विद्युतीय सामग्रीहरु बरामद गर्नुका साथै १९ जनालाई पक्राउ गरेको हो ।
टोलीले सिरहाको उतरवर्ती क्षेत्रमा रहेको लहान नगरपालिकाको बस्तिपुर,गोविन्दपुर र धनगढीमाई नगरपालिकाको बिष्णुपुरकटीबाट अनुगमन टोलिले १९ जना अवैध हुकिङमा प्रत्यक्ष संलग्न रहेको आरोपमा पक्राउ गरिएको विधुत प्राधिकरण लहान वितरण केन्द्रका निमित कार्यालय प्रमुख इन्जिनियर त्रिभुवन यादवले वताउनुभयो ।
निमित प्रमुख यादवका अनुसार खेत पटाइरहेको मोटर, पंखा, मेसिन, फ्रिज टीभी लगायतका सामग्रीहरु पक्राउ गरिएको वताउनुभयो । प्राधिकरण शाखा लहानका निमित प्रमुख यादबका अनुसार हुकिङ गरेर विद्युत चुहावट गर्ने सामग्रीहरुमा ४ थान पानी तान्ने मोटर, एलइडी टीभी १ थान र विधुतीय तार बरामद भएको छ । बरामद विद्युतीय सामग्रीहरु प्राधिकरण कार्यालय लहानमा राखिएको छ भने पक्राउ परेका १९ जनालाई इलाका प्रहरी कार्यालय लहानको जिम्मा लगाईएको छ ।
सिरहामा विद्युत चुहावट बढ्दै गएको कारण अनुगमन जारी राखेको विद्युत प्राधिकरण शाखा लहानका निमित प्रमुख यादबले बताए । उनले भने लहान इलाकामा  ४०.४४ प्रतिशत भन्दा बढी विद्युत चुहावट भईरहेकाले अनुगमनमा कडाई गरिएको जनाएको छ ।

सम्बन्धित समाचार

नयाँ
« Prev Post
पुराना समाग्री
Next Post »