दुई पूर्व आइजीपीसहित चार जेल चलान

प्रकाशित समय 5:46:00 PM
काठमाडौं, ७ असार । सुडान घोटाला प्रकरणमा मुछिएका दुई पूर्वआइजीपी सहित चार प्रहरी अधिकारीलाई सर्वोच्चले जेल चलान गरेको छ । पूर्वआईजीपी ओमविक्रम राणा, हेमवहादुर गुरुङ जेल चलान भएका हुन् । यस्तै, पूर्व एआईजीपी दिपकसिंह थाङ्देन र पूर्वडीआईजी दिपक श्रेष्ठ समेत डिल्लीबजार कारगार चलान भएका छन् । तत्कालिन प्रधान्यायाधीश सुशीला कार्कीको इजलालसले वैशाख १७ गते सुडानको डार्फरमा पठाइने एपीसी खरिदमा भ्रष्टाचार गरेको ठहर गर्दै जेल सजाय र बिगो असुल गर्ने फैसला सुनाएको थियो ।
अदालतमै आत्मसमर्पण
सुडान घोटालामा सर्वोच्च अदालतद्वारा जेल सजाय तोकेका तीन पूर्व आईजी मध्ये २ जनाले सर्वोच्चमै आत्मसमर्पण गरेका छन् । पूर्व आईजीपी हेमबहादुर गुरुङ र ओमविक्रम राणाले अदालतमा आत्मसमर्पण गरेका हुन् । यस्तै, एआईजी दीपक छ्याङदेन र डीआईजी दीपक श्रेष्ठले पनि आत्मसमर्पण गरेका छन् ।
सर्वोच्च अदालतले वैशाख १७ गते सुडान घोटाला काण्डको अन्तिम फैसला सुनाउँदै नेपाल प्रहरीका तीन पूर्वआईजीपीसहित अन्य अधिकारीहरुलाई सजाय सुनाएको थियो । सर्वोच्चले नेपाल प्रहरीका पूर्व आईजी ओमबिक्रम राणालाई २ वर्ष कैद र ५० हजार जरिवाना, हेमबहादुर गुरुङलाई १ वर्ष कैद र ४० हजार जरिवाना तथा रमेशचन्द्र ठकुरीलाई १ वर्ष कैद र ४० हजार जरिवाना सुनाएको थियो ।  एआईजी छ्याङदेनलाई ५० हजार जरिवाना एक वर्ष कैद र डीआईजी श्रेष्ठलाई ३० हजार जरिवाना र ६ महिना कैद सजाए तोकिएको छ ।

सम्बन्धित समाचार

नयाँ
« Prev Post
पुराना समाग्री
Next Post »