ओलीको उखान आरोप : कांग्रेसलाई भोट बाँदरको हातमा नरिवल

प्रकाशित समय 7:16:00 PM
इटहरी, १० असार । नेकपा एमालेका अध्यक्ष केपी शर्मा ओलीले कांग्रेसलाई भोट दिनु भनेको बाँदरका हातमा नरिवल दिनु जस्तै भएको भन्दै चुनावी सभामा भाषण गरेको छ । 
शनिबार इटहरीमा भएको एमाले चुनावी सभामा अध्यक्ष ओलीले यसअघि कांग्रेसलाई नागरिकले पटक पटक बहुमत दिँदा पनि केही गर्न नसकेको बरु देशलाई प्रतिगमन तर्फ धकेलेको आरोप लगाए । उनले भने ‘बाँदरलाई नरिबल दिँदा के गर्छ, चलाउँछ चलाउँछ फालिदिन्छ ।’ कांग्रेसले पनि नागरिकको अभिमतलाई त्यसै गरेको उनले आरोप लगाए । 
अब कसैले चाहेर पनि नाकाबन्दी गर्न नसक्ने उनले दावी गरे । आफ्नो नेतृत्वको सरकारले उत्तरतिर पनि बाटो खोलेको हुनाले अब देशमा कहिल्यै नाकाबन्दी हुन नसक्ने उनको भनाई थियो । उनले केही वर्षभित्र किमान्थांकाबाट चारलेनको बाटोे धरान जोडिने र आर्थिक वृद्धिमा टेवा पुर्याउने दावी गरे । 
पौराणिक कालका पर्शुराम र रामको उदाहरण दिँदै अध्यक्ष ओलीले अब पर्शुरामले जस्तो कांग्रेसले खिया लागेको बन्चरो बोकेर नहिँडे हुने बताए । उनले अब एमालेको जमाना आइसकेको दावी गरे । 

सम्बन्धित समाचार

नयाँ
« Prev Post
पुराना समाग्री
Next Post »