जबरजस्ती निर्वाचन गराए मुलुक नयाँ द्वन्द्वमा : राजेन्द्र महतो

प्रकाशित समय 8:16:00 PM
वीरगञ्ज, ३१ जेष्ठ । राष्ट्रिय जनता पार्टीका नेता राजेन्द्र महतोले संविधान संशोधनका साथै मधेस आन्दोलनका घाइतेलाई क्षतिपूर्ति, झुठा मुद्दा फिर्ता र स्थानीय तहको संख्या जनसंख्याको आधारमा नबढाएसम्म मधेसमा चुनाव हुन नसक्ने बताएका छन् । वीरगन्जको घन्टाघर चोकमा बुधबार दिउँसो आयोजित पत्रकार सम्मेलनमा नेता महतोले बल पूर्वक गरिने निर्वाचनले मुलुकमा नयाँ द्वन्द्वको बीउ रोप्ने बताए । बुधबारै काठमाडौंबाट मधेस आएका महतोले यसपालीको आन्दोलन वार्ताको चक्करमा नरोकिने बताए ।
‘मधेसको सही आवाज काठमाडौं र बाहिरी दुनियालाई पु¥याउन म मधेसमा आएको हुँ,’ उनले भने, ‘निर्वाचनको उपयुक्त माहोल अहिले बनिसकेको छैन् ।’ उनका अनुसार त्रुटिपूर्ण संविधान कार्यान्वयनका लागि निर्वाचन हुँदैछ । उनले भने, ‘गाउँपालिका र नगरपालिकाको मुखिया हुनका लागि मधेस आन्दोलन भएको थिएन् ।’
निर्वाचनका लागि पहिले सरकारले सीमाकंन विवाद सल्टाउने ढोका खोल्ने उनले सुझाए । नागरिकता, राष्ट्रिय सभामा प्रतिनिधित्व लगायतका विवाद सुल्झाउने सुनिश्चितता गर्नुप¥यो । संविधान निर्माण गर्दा एकसाथ रहेका ठूला तीन दल अहिले संशंोधनका लागि दुई तिहाई नपुग्ने भन्दै पन्छिन खोजेको उनले आरोप लगाए ।
‘दुई तिहाईको बहाना मात्र हो,’ उनले भने, ‘त्रुटिपूर्ण संविधान निर्माण गर्दा सबै मिल्ने अनि अहिले संशोधन गर्दा नमिल्ने, सुधार गर्ने जिम्मा पनि उनीहरुकै हो ।’ मधेसका जनताले निर्वाचनभन्दा अगाडि अधिकार चाहेको उनले बताए । अगामी असार १४ को चुनाव नसारे अनर्थ हुने चेतावनी दिए ।
‘मधेसीको समस्या समाधान गरेर निर्वाचन गराए देश बच्छ,’ महतोले भने, ‘नत्र देशमा अनर्थ हुन्छ । समस्या दुई नम्बर प्रदेशमा मात्र छैन, पुरै मेचीदेखि महाकालीसम्म छ ।’ पत्रकार सम्मेलनमा राजपाका जीतेन्द्र सोनल, राजेशमान सिंह, सुरेन्द्र कुर्मी, शिव पटेल, शशी कपुर मियाँ, पुरुषोत्तम झा लगायतका नेता उपस्थित रहेका थिए ।

सम्बन्धित समाचार

नयाँ
« Prev Post
पुराना समाग्री
Next Post »