पैसा नहुँदा साउदीको अस्पतालमा छोरा अलपत्र, बुवा भन्छन् ‘बरफ बेचेर कसरी फर्काउँ ?’

प्रकाशित समय 7:12:00 PM
संगिता कर्ण
धनुषा, १० असार । छोरो पैसा कमाउन विदेश जाने भनेदेखि नै जुलुम पासवानको मन गह्रौं भएको थियो । परिवारको अवस्था निक्कै नाजुक थियो । एउटा छोरो, परिवारको अवस्था देखेर उनले  रोक्न सकेनन् । धर्मनाथ सन् २०१४ को मार्च २३ मा साउदी अरव गए । ३५ वर्षका पासवानलाई साउण्ड लाईन रिक्क्रुटमेन्ट म्यानपावरले साउदीको अबदुल्लाह सहिदमा लेबरको काममा ८ सय रियाल हुन्छ भनेको थियो । तर भने अनुसारको तलब नपाएपछि उनले नेपालबाट म्यानपावरले पठाएको कम्पनीबाट दुई महिनामै भागेर अन्तै काम गर्न थाले ।
यसले उनलाई अहिलेको अवस्थामा ल्याएको छ । भागेर काम गरे पनि त्यो कम्पनीले पनि उनलाई तलब दिएन । त्यसपछि त उहाँ न घरको न घाटको भने जस्तै हुन । पहिलेको कम्पनीबाट भागिसकेको र दोस्रो कम्पनीले पनि तलब नदिएपछि उनी कहाँ जाने के गर्ने भनेर भौतारिन थाए । कामको तनाव त छँदै थियो साथीहरुले पनि बस्दै गरेको कोठाबाट निकालिदिएपछि उनीको बास सडकमै भयो । त्यति बेला उनी विदेश गएको तीन वर्ष भइसकेको थियो ।
‘चार दिन सडक बस्दा ऊ अचेत भइसकेको थियो रे त्यतिबेला पुलिसले उसलाई अस्पताल पु¥याएका रहेछन’ बुवा जुलुमले भने  । प्रहरीले अस्पताल पु¥याएका धर्मनाथको अस्पतालमा रहेका नेपाली कर्मचारीहरुले चन्दा सङ्कलन गरेर उपचार गरे । त्यो उपचारबाट केही ठिक भएर फर्किएका धर्मनाथ दुर्घटनामा परेपछि भने थलिए ।
दुर्घटनामा परेका धर्मनाथलाई प्रहरीले फेरि अस्पताल पु¥यायो । उनको शल्यक्रिया पनि भएको जानकारी परिवारले पाएको छ । तर उद्धार गरेर घर फर्काउने क्षमता परिवारसँग छैन । किन अस्पतालले धर्मनाथको उपचारको २७ हजार ५ सय रियाल अर्थात ७ लाख २७ हजार रुपैयाँ भन्दा धेरैको बिल निकालेको छ ।
धर्मनाथका बुवा जुलुम परिवार चलाउन बरफ बेच्दैछ । दिनभरी बरफ बेचेर जम्मा भएको पैसाले परिवारका लागि बिहान बेलुकाको छाक टार्नै मुस्किल छ उनलाई । त्यसैले ७ लाख भन्दा धेरै पैसा जम्मा गर्ने कुरा उनको कल्पना भन्दा बाहिरको जस्तै भएको छ । त्यसैले छोरालाई घर फर्काउने पैसा जम्मा गर्न सकेको छैन । आफ्नो क्षमताले नसकेपछि जुलुम अहिले सरकार र सहयोगी संघ संस्थाको बाटो हेरिरहेको छ ।

सम्बन्धित समाचार

नयाँ
« Prev Post
पुराना समाग्री
Next Post »