कोसीको बहावमा वृद्धि

प्रकाशित समय 6:59:00 PM
इटहरी, २७ असार । पूर्वी पहाडी क्षेत्रमा अविरल वर्षाका कारण सप्तकोसी नदीको बहाव बढेको छ । कोसीको वहाव मंगलबार प्रतिसेकेन्ड १ लाख ७१ हजार क्युसेक मापन गरिएको छ । सोमबार वर्षकै उच्च वहाव १ लाख ८१ हजार क्युसेक पुगेको थियो ।
पहाडी क्षेत्रमा वर्षापछि विभिन्न खोला तथा नदीमा आएको बाढीले सप्तकोसीको सतह बढेको हो । सतह सोमबारको तुलनामा भने मंगलबार केही घटेको प्रहरी उपरीक्षक पोषराज पोखरेलले बताए । कोसीमा पानीको वहाव १ लाख ५० हजार क्युसेक पुगेपछि राति बत्ती बाल्ने र रातो झन्डा फहराउने गरिन्छ ।
निर्माणताका ५० वर्षअघि १२ लाख क्युसेक पानी नियन्त्रण गर्ने क्षमताको कोसी ब्यारेजमा बालुवा भरिएर सतह माथि आएकाले अहिले ६ लाख क्युसेक भार मात्र बहन गर्ने प्राविधिक बताउँछन् । २०६५ भदौमा पूर्वी तटबन्ध भत्काएर कोसी गाउँ पस्दा नेपाल र भारतका हजारौं मानिस घरबारविहीन भएका थिए ।

सम्बन्धित समाचार

नयाँ
« Prev Post
पुराना समाग्री
Next Post »