तराईमा पुनः नयाँ सशस्त्र समूहको उदय

प्रकाशित समय 6:04:00 PM
राजविराज, ५ साउन । तराईका अधिकांश सशस्त्र संमूहहरु शान्ति प्रक्रिया मार्फत वार्तामा गएको अवस्थामा पुनः अर्को समूहको उदय भएको छ । प्रगतिशिल तराई मुक्ति मोर्चा नाम गरेको समूह पुनः उदयमा आएको बुधबार सो समूहले विज्ञप्तिमार्फत जानकारी गराएको हो । संगठनका संयोजक सिजनको नामबाट जारी प्रेस विज्ञप्तिमा तराईलाई अन्तर्राष्ट्रिय स्तरमा छुट्टै राज्यको पहिचान गराउने उद्देश्ले आधुनिक डिजाईनमा आधुनिक तरिकाले सशस्त्र संघर्ष गर्नका लागि मोर्चा निर्माण भएको उल्लेख छ ।
विगतमा भएका मुद्दा विर्सजनवाद, सत्ता समर्पणवाद, नातावाद, कृपावाद, जातीवादबाट पूर्ण रुपमा मुक्त रहि तराई भू–भाग एंव तराईबासीमाथिको दमनको बिरोध गर्दै तराईलाई पूर्ण स्वतन्त्र राज्य स्थापित गर्ने जिम्मेवारीका साथ मोर्चा संघर्षशिल रहिरहने विज्ञप्तिमा जनाइएको छ ।
निर्वाचन र चुनावबाट अधिकार प्राप्त नहुने जनाउँदै अधिकार र पूर्ण स्वतन्त्रताका लागि सशस्त्र संघर्ष नै एकमात्र निर्बिकल्प बाटो भएको ठहर गर्दै सत्ता र भत्ताको राजनीतिलाई पूर्णरुपमा तिलाञ्जली दिई निर्वाचन प्रक्रियामा भाग नलिन विज्ञप्तीमार्फत आग्रह गरिएको छ । त्यस्तै यहाँका जनतालाई निर्वाचन सम्बन्धी कुनै पनि प्रकारको दिगभ्रममा नपारी चुनावमा भाग नलिई स्वतन्त्रता संघर्षमा सहयोग गर्न राजनीति दलसँग संयोजक सिजनले आग्रह गरेका छन् ।

सम्बन्धित समाचार

नयाँ
« Prev Post
पुराना समाग्री
Next Post »