भतिजासँग विद्रोह गरेर कृष्णनगरमा फोरमका ‘बागी काका’ बने मेयर

प्रकाशित समय 8:18:00 PM
कपिलवस्तु, २० असार । कपिलवस्तुको कृष्णनगर नगरपालिकामा संघीय समाजवादी फोरमबाट टिकट नपाएर स्वतन्त्र उम्मेदवार बनेका रजत प्रताप शाह विजयी भएका छन् । शाहले ७ हजार ३ सय २८ मत पाएर विजयी घोषणा भएका हुन् । उनका प्रतिद्वन्द्वी नेकपा माओवादी केन्द्रका शिवप्रसाद कलवारले ३ हजार २ सय ५ मत पाएका छन् । उपमेयरमा भने माओवादी केन्द्रकी शवनम खातून विजयी बनेकी छिन् । उनले ३ हजार ४ सय ११ मत पाएर विजयी घोषणा भएकी हुन् ।
उनका प्रतिद्धन्दी नेपाली कांग्रेसकी आरतीदेवी चौधरीले ३ हजार १ सय ५५ मत पाएकी छन् । कृष्णनगरका ३ वटा वडामा माओवादी केन्द्र, १ वटामा राप्रपा, २ मा कांग्रेस, २ मा संघीय समाजवादी फोरमले जित हात पारेको छ ।
भतिजासँग बगात गरेर विजयी
संघीय समाजवादी फोरमका उपमहासचिव तथा सोही क्षेत्रका दुई पटक निर्वाचित सांसद अभिषेक प्रताप शाहको बलियो पकड क्षेत्र रहेको कृष्णनगरमा एकाएक स्वतन्त्र र माओवादीको उदयलाई आश्चर्यका रुपमा लिइएको छ । खासमा यो नतिजा आउनुका पछाडि शाह परिवारमा भएको बगावत हो । अभिषेक शाहले काका अभय प्रताप शाहलाई टिकट दिएपछि अर्का काका रजतले स्वतन्त्र उम्मेदवारी दिएका थिए ।
युवाहरुमा लोकप्रिय देखिएका रजत शाहलाई टिकट नदिएर अन्याय गरेको भन्दै सो क्षेत्रका मतदाताले उनलाई सहानुभुति स्वरुप मतदान गरेको देखिएको छ । आधिकारिक उम्मेदवार काकाको हार हुने देखेपछि अभिशेषले शाह परिवारका बिखण्डन आएको फेसबुकबाटै स्वीकार गरेका थिए ।

सम्बन्धित समाचार

नयाँ
« Prev Post
पुराना समाग्री
Next Post »