बसोबासको ग्यारेण्टी गरिनुपर्ने, लोकसेवा तयारी कक्षाको लागि राज्यद्वारा व्यस्था गर्दै परीक्षा उतीर्णांक पूर्णांक २० प्रतिशत घटाई पास हुने व्यवस्था गरिनुपर्ने, जातिय छुवाछुतको अन्त्य तथा विभेद गर्नेलाई कारवाही, डोमसमुदायलाई राजनीतिको निर्णायक पदमा पार्टीहरु समावेशी समानुपातिक सिद्धान्तको आधारमा समावेश गरिनुपर्ने माग अघि सारिएको छ । डोम समुदायको सामाजिक आर्थिक, राजनैतिक, शैक्षिक, धार्मिक अवस्थाहरुको चित्रण गर्दै घोषणापत्रमा देशभरीमा १३ हजार २ सय ६८ जनसंख्या रहेको डोम समुदाय मध्ये तराईमा १२ हजार ८ सय ३३ जना बसोबास गर्दै आएको जनाईएको छ । डोम समुदायको अवस्था जर्जर रहेको प्रति सरकार गम्भीर हुनुपर्नेमा भेलाले जोड दिएको छ ।भेलाको उद्घाटन कार्यक्रममा जिल्ला प्रहरी कार्यालय सप्तरीका प्रहरी नायब उपरीक्षक यादवराज उप्रेती, जिल्ला प्रशासन कार्यालय सप्तरीका अधिकृत सुरज निरौला, दलित जनकल्याण यूवा क्लब सिरहाका अध्यक्ष उमेश कुमार विसुन्खे लगायतले सदियौदेखि पछाडि पारिएका डोम समुदायको उत्थानमा राज्य गम्भीर बन्नुपर्ने आवश्यकता औंल्याएका छन् ।
डोम उत्थान समाजका अध्यक्ष तथा दलित अधिकारकर्मी युक्तिलाल मरिकको अध्यक्षतामा कार्यक्रम आयोजना गरिएको थियो ।
