वर्षाले यातायात सेवा प्रभावित

प्रकाशित समय 6:16:00 PM
जलेश्वर,
२१ असार । दुई दिनदेखि लगातार परिरहेको पानीको कारण महोत्तरी जिल्लाको सदरमुकाम जोड्ने सबै सडकहरु हिलाम्मे भएपछि यातायात सेवा प्रभावित बन्न पुगेको छ ।
सोमबार साँझदेखि नै लगातार (छिन छिनमा बन्द हुने र फेरि पर्ने) परिरहेको पानीको कारण जलेश्वर–मटिहानी सडकखण्ड, जलेश्वर–सम्सी सडकखण्ड, भिठामोड जलेश्वर जनकपुर सडकखण्ड, जलेश्वर–रौजा सडकखण्ड लगायतका सडकहरु हिलाम्मे भएका छन् । पानीको कारण जलेश्वर मटिहानी सडकखण्डमा बस सेवा बन्द हुन पुगेको छ भने सम्सी जलेश्वर सडकमा समेत यातायात बाधित हुन पुगेको छ ।
महोत्तरीको परिक्रमा सडक अन्तर्गतको जलेश्वर मटिहानी सडकखण्डको दुई ठाउँमा माटो राखिएको कारणले धेरै हिलो भएको छ जसले जान आउन समस्या उत्पन्न भएको मटिहानीका रंजित कापरले जानकारी दिए । समयमा निर्माण कार्य पुरा नहुँदा जलेश्वरदेखि मटिहानी सडकखण्डको बहुअर्वा चोक नजिकैको सडक हिलाम्य बन्न पुगेको छ । महोत्तरीको हुलाकी सडकमा पर्ने जनकपुर भिठामोड सडक, जलेश्वर सम्सी सडकको अवस्था समेत पानीले गर्दा हिलाम्य भई यातायात सेवा प्रभावित बन्न पुगेको छ ।
वर्षाका कारण सो सडकखण्डहरुमा हिलो र पानी जमेर सडकमा बस, जिप, ट्यांकर, ट्रक, टेम्पो, अटोरिक्सा र मोटरसाइकल समेत चलाउन नसकिने अवस्था छ । त्यसैगरी, सडकमा ओहोरदोहोर गरिरहने गाडीले छ्यापेको हिलोले बाटो हिंड्नै नसक्ने भएको स्थानीयहरुको भनाई रहेको छ ।

सम्बन्धित समाचार

नयाँ
« Prev Post
पुराना समाग्री
Next Post »