राजधानीको डान्सबारमा नाच्दै गरेका १९८ युवायुवती प्रहरी फन्दामा

प्रकाशित समय 6:15:00 PM
काठमाडौं, १७ असार । राजधानीको एक डान्सबारबाट एक सय अन्ठावन जना युवायुवती पक्राउ परेका छन् ।  बालाजुस्थित  हिमालय डान्सबारमा शनिबार दिउँसो मादक पदार्थका साथै नशालु पदार्थसमेत सेवन गरेर नाच्दै गरेका  ती युवायुवतीलाई महानगरीय प्रहरी बृत्त बालाजुको टोलीले पक्राउ गरेको महानगरीय प्रहरी परिसर काठमाडौंका एसएसपी छबिलाल जोशीले जानकारी दिए ।
मादक पदार्थ र नशालु पदार्थ सेवन गरेर  डान्सबारमा नाच्दै होहल्ला गरेपछि स्थानीय नागरिक समुहले  प्रहरीमा उजुरी गरेसँगै प्रहरी त्यहाँ पुगेको थियो ।  जोशीका अनुसार पक्राउ पर्नेमा ४० महिला र १५८ पुरुष रहेका छन् । ती सबै आठ कक्षामा पढ्ने देखि १२ कक्षमा पढ्ने उमेर समूहका रहेका छन् ।
महानगरीय प्रहरी परिसर काठमाडौंका एसएसपी जोशीले  यसरी युवाहरु दिउँसै मादक पदार्थ सेवन र नशालु पदार्थसमेत सेवन  गरेर डान्सबारमा भेटिनुले समाज कतातर्फ जाँदैछ भन्ने संकेत गरेको बताए । उनले  यसलाई नियन्त्रण गर्न अभिभावक  सचेत बन्नुपर्नेमा जोड दिए । यसैबीच पक्राउ परेका सबैलाई महानगरीय प्रहरी बृत्त बालाजुमा राखिएको छ भने आफन्तलाई बोलाएर सम्झाई बुझाई गरेर पठाइने छ ।

सम्बन्धित समाचार

नयाँ
« Prev Post
पुराना समाग्री
Next Post »