राजश्व अनुसन्धानका २ कर्मचारी रंगेहात पक्राउ

प्रकाशित समय 5:43:00 PM
कंचनपुर, ५ भदौ । कैलालीको अत्तरियास्थित राजस्व अनुसन्धान शाखाका २ कर्मचारी ४५ हजार घुससहित रंगेहात पक्राउ परेका छन् । अख्तियार दुरुपयोग अनुसन्धान आयोगको कार्यालय महेन्द्रनगरको टोलीले सोमबार शाखाका प्रमुख नायब सुब्बा नरेन्द्र कुमार साउद र कार्यालय सहयोगी टीकाराम जोशीलाई पक्राउ गरेको हो ।
सेवाग्राहीलाई विभिन्न कारणले दुख दिने र समयमा सेवा प्रदान नहुने गरेको गुनासो आएपछि अख्तियारले केही दिनदेखि उक्त कार्यालयमा निगरानी बढाएको थियो । सोमबार दुवै कर्मचारीलाई रंगेहात पक्राउ गर्न सफल भएको अख्तियारको महेन्द्रनगर कार्यालयका सुचना अधिकारी खिमानन्द पाठकले बताए । ‘पक्राउ परेका दुवै जनामाथि थप अनुसन्धान अघि बढाइने छ’ सूचना अधिकारी पाठकले भने, ‘केन्द्रमा समेत यसबारे जानकारी गराइसकेका छौं, केन्द्रबाट आएको निर्देशन अनुसार कारवाही अघि बढ्छ ।’

सम्बन्धित समाचार

नयाँ
« Prev Post
पुराना समाग्री
Next Post »