बर्तमान सरकार संविधान संशोधनको विपक्षमा : थापा

प्रकाशित समय 6:02:00 PM
जनकपुर, १८ साउन । राष्ट्रिय जनता पार्टीका अध्यक्ष कमल थापाले बर्तमान सरकार संविधान संशोधन विधेयक पास गर्न नचाहेको आरोप लगाएका छन् । बुधबार जनकपुरमा सुञ्चारकर्मीहरुसंग कुरा गर्दै राप्रपा अध्यक्ष थापाले संविधान संशोधन विधेयक पास नहुनुमा नेपाली कांग्रेस र माओवादी केन्द्र जिम्मेबार रहेको आरोप लगाए ।
आफ्नो पार्टी संविधान संशोधन विधेयकका लागि साकारात्मक रहे तापनि हामी संविधान संशोधन गर्न नचाहिरहेको भ्रम उनीहरुले श्रृजना गरेको उनले स्पष्ट पारे । राप्रपाका १० सांसद संविधान संशोधन हुने दिन गायब किन भएको पत्रकारहरुको प्रश्नमा थापाले त्यो दिन राप्रपाले गर्दा नभई कांग्रेस, माओवादी केन्द्र र राष्ट्रिय जनता पार्टी स्वयंले अहिले संविधान संशोधन विधयेक निर्णयार्थ संसदमा प्रस्तुत नगरियोस सहतमी गरेको स्पष्ट पारेका छन् ।
यो संविधान संशोधन हुनुमा सबैभन्दा ठूलो बाधक नेपाली कांग्रेस स्वयं रहेको आरोप लगाउँदै थापाले नेपाली कांग्रेस जानी जानी विधेयक फेल हुने दिनमा पेश गर्न चाहेको आरोप लगा लगाए । आफ्नो पार्टी देउवा नेतृत्वको सरकार रहेसम्म सरकारमा सहभागी नहुने जानकारी गराउँदै संविधान संशोधनका लागि हरसम्भव सहयोग गर्ने प्रतिबद्धता व्यक्त गरेका छन् ।
पत्रकारहरु संग कुरा गर्दै उहाँले पछिल्लो दूई चरणको निर्वाचनमा आफ्नो दलका लागि राम्रो परिणाम नभएपनि प्रदेश नम्बर २ को स्थानीय तहको निर्वाचनमा राम्रो परिणाम आउनेमा विश्वास व्यक्त गरे ।

सम्बन्धित समाचार

नयाँ
« Prev Post
पुराना समाग्री
Next Post »