जनकपुरलाई सुन्दर बनाउने अभियानमा ट्राफिक र युवा भिडे

प्रकाशित समय 5:56:00 AM
जनकपुर, १२ भदौ ।जनकपुर उपमहानगरपालिकामा जता ततै फोहोरले धार्मिक नगर जनकपुरधाम कुरुप बन्दै गएको अवस्थामा ट्राफिक र युवाहरुको एक समुहले सहरलाई सुन्दर बनाउने अभियान थालेको छ ।
अव्यवस्थित तरिकाले झुण्ड्याईको बिज्ञापन बोडले कुरुप बन्दै गएको जनकपुरलाई सफा नगरको रुपमा परिचित गर्न ट्राफिक र युवाहरुको एक समुह सकृयता देखाएको छ । युवाहरुको एक समुह र धनुषा ट्राफिकले जनकपुरको चोकचोकमा रहेको बिभिन्न संघ संस्थाको होडिङग बोर्डहरु हटाएका छन् । ऐतिहासिक महत्वले भरिपुर्ण जानकी मन्दिरको परिसर, जानकी चोक, राम चोक, जनक चोक, शिव चोकहरुमा लगाईएको सो होडिङग बोर्ड र ब्यानर हटाईएको हो ।
सहरको बिभिन्न ठाउँमा झुण्ड्याईएको सो ब्यानर र होडिङग बोर्डले दुर्घटना लगायत सहरको सौन्दर्यकरणमा पनि प्रभाव पार्ने भएको हुनाले हटाईएको ट्राफिक प्रहरी कार्यालय धनुषाका प्रहरी निरिक्षक हरिनन्दन चौधरीले बताए । उनले सहरको बिभिन्न ठाउँमा लगाईको सो बिज्ञापन सहितको होडिङग बोर्डमा सबारी चालकको नजर पर्ने र सोही कारण पनि दुर्घटना भएको घटनाहरु आईरहँदा यस्ता कार्यगर्न थालेको चौधरीले थपे ।
बर्षौ पुरानो जानकी मन्दिर लगायत राम मन्दिर, शिव मन्दिर, राजदेवी मन्दिरको छेउछाउमा लगाईएको सो ब्यानरले जानकी मन्दिरलाई बिश्व सम्पदा सुचीमा सुचिकृत गर्न ठेश पुगाएको र अरु अरु मन्दिरको सुन्दरतामा पनि असर पारेको हुनाले होर्डिङ्क बोर्डहरु हटाइए एक युवा अगुवाले बताए । उनीहरु होर्डिङ्क बोर्डले मन्दिरको अस्मिता र गरिमालाई नै आँच पु¥याएकाले अभियानलाई जोडतोडका साथ निरन्तरता दिनुपर्ने बताए ।
उनीहरुले भने हामीले थालनी गरेको अभियानमा सम्बन्धि निकायले पनि अग्रसरता दिनुपर्नेमा जोड दिएका छन् ।

सम्बन्धित समाचार

नयाँ
« Prev Post
पुराना समाग्री
Next Post »