संशोधन विधेयक पारित हुन्छ : परराष्ट्रमन्त्री महरा

प्रकाशित समय 7:59:00 PM
जनकपुर, २ भदौ । उपप्रधानमन्त्री तथा परराष्ट्रमन्त्री कृष्णबहादुर महराले संविधान संशोधन विधेयक पारित हुने दाबी गरेका छन् ।
शुक्रबार जनकपुर विमान स्थलमा संचारकर्मीहरुसँग संक्षिप्त कुरा गर्दै उनले सो कुरा बताएका हुन् ।
उपप्रधानमन्त्री महराले संविधान संशोधन विधेयक पारित गराउन प्रमुख प्रतिपक्ष एमालेले सहयोग गर्नेमा सरकार आशावादी रहेको पनि बताए । यसका साथै, उनले संविधान संशोधन विधेयक पारित गराउन सरकार लागि परेको पनि स्पष्ट पारे । आगामी सोमबार संसदमा संविधान संशोधन विधेयक निर्णयार्थ पेश हुँदैछ ।
उपप्रधानमन्त्री महराले आगामी असोज २ गते स्थानीय तह तेस्रो चरणको निर्वाचन हुनेमा शंका नगर्न पनि आग्रह गरे । उनले मंसिरको पहिलो साताभित्र प्रदेश सभा र प्रतिनिधि सभा निर्वाचन एउटै मितिमा गराउने गरी सरकारले तयारी गरिरहेको पनि जानकारी दिए ।

सम्बन्धित समाचार

नयाँ
« Prev Post
पुराना समाग्री
Next Post »