आचारसंहिताको नाममा सरकारको हातखुटा बाँधियो : गच्छदार

प्रकाशित समय 6:41:00 PM
राजविराज, १७ भदौ । उपप्रधान एवं संघीय मामिला तथा स्थानीय विकास मन्त्री बिजयकुमार गच्छदारले निर्वाचन आयोगले आचारसंहिताको नाममा सरकारको हातखुटा बाँधेको आारोप लगाएका छन् । ‘३ महिनापछि हुने निर्वाचनका लागि अहिले नै आचार संहिता लगाउनु जायज होइन, यसले सरकारको दैनिक कामकाजमा नै प्रभाव पा¥यो’, सप्तरी सदरमुकाम राजविराजमा शनिबार बिहान आयोजित पत्रकार सम्मेलनमा गच्छदारले भने ।
यति लामो अवधीका लागि आचारसंहिता लागू भएको पहिलो पटक भएको गच्छदारले बताए । ‘उम्मेदवारी दर्ता भए वा निर्वाचनको ३५ दिन अगावै आचारसंहिता लगाइन्थ्यो तर मंसिरमा हुने चुनावका लागि अहिले नै आचार संहिता लगाउनु जायज होइन’, गच्छदारले भने,‘अहिले नै आयोगले आचारसंहिता लगाएकाले सरकारको दैनिक कामकाजमा दख्खल पुगेको छ ।’ उनले भने,‘निर्वाचन आयोगले यो विषयलाई सच्याउनुपर्छ ।’
सोमबार हुने मन्त्रिपरिषदको बैठकले तीन महिना अगावै सरकारको कामकाज नै प्रभावित हुने गरी लगाइएको आचारसंहिताबारे पुर्नबिचार गर्न निर्वाचन आयोगलाई आग्रह गर्ने गच्छदारले जानकारी दिए ।

सम्बन्धित समाचार

नयाँ
« Prev Post
पुराना समाग्री
Next Post »