निर्वाचन क्षेत्र निर्धारणप्रति मधेशवादी दलको आपत्ति

प्रकाशित समय 6:41:00 PM
काठमाडौं, १७ भदौ । निर्वाचन क्षेत्र निर्धारण आयोगले सरकारलाई हालै बुझाएको प्रतिवेदनप्रति संघीय समाजवादी फोरम नेपालका अध्यक्ष उपेन्द्र यादव र राजपा नेपालका संयोजक महन्थ ठाकुरले आपत्ति जनाएका छन् । यी दुई दलका नेताहरुले शुक्रवार छुट्टाछुट्टै विज्ञप्ति जारी गरी मधेशमाथि विभेद गरी पुनः आन्दोलनमा धकेल्ने प्रयास भइरहेको उल्लेख गरेका छन् । राजपा नेपालले प्रधानमन्त्री शेरबहादुर देउवालाई सोही विषयमा भेटेर लिखित रुपमा ध्यानाकर्षण गराएको छ ।
आयोगले निर्धारण गरेको १६५ निर्वाचन क्षेत्रमध्ये ५१ प्रतिशत जनसंख्या रहेको मधेशमा ७८ वटा क्षेत्र मात्र छुटयाइएको दावी राजपा नेपालले गरेको छ । छुट्याइएको क्षेत्रमा प्रतिनिधित्वको हिसावले ४७.२७ प्रतिशत रहेको दावी गरिएको छ ।
हाल निर्धारण गरिएको क्षेत्र अनुसार मधेशमा पाँचवटा निर्वाचन क्षेत्र घटाउने कार्य भएको राजपा नेपालका संयोजक महन्थ ठाकुरले दावी गरेका छन् । फोरम नेपालका अध्यक्ष उपेन्द्र यादवले सविधान विपरित जनसँख्या र भूगोलको सन्तुलन नमिलाएको आरोप लगाउँदै मधेशी बाहुल्य क्षेत्रलाई टुक्राटुक्रा गरी गैरमधेशी क्षेत्रमा मिलाएको आरोप लगाएका छन् ।

सम्बन्धित समाचार

नयाँ
« Prev Post
पुराना समाग्री
Next Post »