१५ वर्षीया किशोरी बलात्कारको आरोपमा प्रहरी जवान पक्राउ

प्रकाशित समय 6:03:00 PM
वीरगञ्ज, १८ भदौ । वर्षीया किशोरीलाई बलात्कार गरेको आरोपमा पर्सामा एक प्रहरी जवान पक्राउ परेका छन् । वीरगञ्ज महानगरपालिका वडा नम्बर १६ नगवा नयाँ बस्तीकी १५ वर्षीया किशोरी बलात्कारको आरोपमा प्रहरी जवान गोरख मौर्य पक्राउ परेका हुन् ।
उनलाई जिल्ला प्रहरी कार्यालय पर्साको नियन्त्रणमा राखिएको छ । शनिबार साँझ करिब ७ बजे ती किशोरी घरमा एक्लै रहेको मौका छोपी नगवा प्रहरी चौकीमा कार्यरत प्रहरी जवान मौर्यले जबरजस्ती करणी गरेको आरोपमा स्थानीयले नियन्त्रणमा लिएर प्रहरीलाई बुझाएका थिए ।
किशोरीको मुख थुनेर जबरजस्ती करण गरिरहेको अवस्थामा छिमेकीले देखेका थिए । त्यसपछि स्थानीयले ती प्रहरी जवानलाई नियन्त्रणमा लिएर कुटपिटसमेत गरेका थिए । पक्राउ परेका प्रहरी जवानमाथि अनुसन्धान भइरहेको जिल्ला प्रहरी कार्यालय पर्साका प्रहरी उपरीक्षक सुदीप गिरीले जानकारी दिए ।

सम्बन्धित समाचार

नयाँ
« Prev Post
पुराना समाग्री
Next Post »