राजमार्ग क्षेत्रमा कांग्रेस र माओवादीबीच तालमेल हुन्छ : माओवादी नेता गजुरेल

प्रकाशित समय 8:17:00 PM
जनकपुर, १९ भदौ । नेकपा माओवादी केन्द्रका नेता हरिबोल गजुरेलले तेस्रो चरणको स्थानीय तह निर्वाचनमा नेपाली कांग्रेस र माओवादी केन्द्रले पृथ्वी राजमार्ग वरपरका क्षेत्रमा तालमेल गर्ने बताएका छन् ।
प्रदेश नं. २ को निर्वाचनको मनोनय दर्ता हुने मिति २ दिन बाँकी रहेका बेला गजुरेलले ८ जिल्लाको पूर्व–पश्चिम राजमार्ग वरपरका स्थानीय तहमा तालमेलको पहल भइरहेको जानकारी दिएका हुन् । ‘माओवादी केन्द्र र नेपाली कांग्रेसबीच केही चरणमा वार्ता भयो, तालमेल गर्ने कुरा दुवै पक्षबाट सकारात्मक रुपमा आएको छ, आज वा भोलिसम्ममा तालमेलको नतिजा आउँछ‘ उनले भने, ‘कांग्रेस र माओवादी दुवै सकारात्मक देखिएको छ ।
तराईको जिल्लाहरुको दक्षिणी भागमा तालमेल नभए पनि पूर्व कोशीदेखि पश्चिम पर्सासम्मको राजमार्ग केन्द्रित क्षेत्रमा तालमेल भन्ने हुन सक्छ । ‘मधेसको उत्तरी क्षेत्रमा पर्ने पृथ्वी राजमार्ग वरपरका बजार क्षेत्रमा नेकपा एमाले तुलनात्मक रुपमा बलियो मानिन्छ । आइतबार धनुषाको सबैला नगरपालिकाको पटेर्वामा आयोजित कार्यक्रममा नेता गजुरेलले मधेसको माग संविधान संशोधन मार्फत पूरा गराउन खोज्दा एमालेले बाधा र्पुयाएर संशोधन हुन नसकेको बताए ।
मधेसको एजेण्डा माओवादी केन्द्रले जनयुद्धकालबाटै लिएर अघि बढेको बताउदै उनले केही मधेस विरोधी शक्तिका कारण मधेसको मागहरु अझै पुरा हुन नसकेको र अब माओवादी केन्द्रले नै पुरा गर्ने दावी गरे ।

सम्बन्धित समाचार

नयाँ
« Prev Post
पुराना समाग्री
Next Post »