सुरक्षा खतरा भन्दै तारजालीले घेरेर मतगणना

प्रकाशित समय 7:59:00 PM
काठमाडौं, ३ असोज । सुरक्षा खतरा भन्दै केही स्थानीय तहमा तारजाली लगाएर मतगणना गरिएको छ । मतगणना भइरहेको ठाउँमा दलका प्रतिनिधिहरुलाई तारबारले घेरेर राखिएको छ । दलका प्रतिनिधिले मतपत्र च्यात्न सक्ने भएकाले प्रतिनिधिलाई जालीभित्र राखेर मतगणना गरिएको निर्वाचन कार्यालयहरुले जनाएका छन् ।
तारजाली भन्दा बाहिर दलका प्रतिनिधि बस्ने र तारजालीभित्र मत गनिएको छ । त्यस्तै कतिपय ठाउँका सिसी क्यामेरा समेत जडान गरेर मतगणना गरिएको छ । अहिले चुनाव भएका १ सय ३६ स्थानीय तह मध्ये निर्वाचन आयोगले १ सय १९ ठाउँमा मतगणना भइरहेको छ । केही ठाउँमा मतगणनाका क्रममा सामान्य विवादका कारण गणना स्थगित भएको छ । विभिन्न कारणले १७ वटा स्थानीय तहको गणना हुन नसकको र ती ठाउँमा गणनाको तयारी भइरहेको आयोगको भनाई छ ।

सम्बन्धित समाचार

नयाँ
« Prev Post
पुराना समाग्री
Next Post »