करेन्ट लागेर सासु–बुहारीको मृत्यु

प्रकाशित समय 10:00:00 AM
वीरगन्ज, २९ असोज । वीरगन्जको लक्ष्मणवामा करेन्ट लागेर दुई जनाको मृत्यु भएको छ । वीरगन्ज महानगरपालिका १५ लक्ष्मणवामा आइतबार बिहान करेन्ट लागेर ६० वर्षीया कान्ति देवी र उनकी बुहारी ४८ वर्षीया जागो देवी सोनारको मृत्यु भएको हो ।
घरमा रहेको चापाकलमा जडान गरिएको पानी तान्ने विद्युतीय मोटर चलिरहेका बेला चापाकल चलाउने क्रममा करेन्ट लागेर सासु बुहारी दुवै जनाको मृत्यु भएको जिल्ल प्रहरी कार्यालय पर्साले जनाएको छ । दिपावलीका लागि घर सरसफाइ गर्ने क्रममा चापाकलमा पानी लिन गएकी कान्तिदेवीले मोटर चलिरहेका बेला चापाकल चलाउदा करेन्ट लागेर र उनी लडेपछि उनलाई उठाउन गएकी बुहारी जागो देवीलाइ पनि करेन्ट लागेको थियो ।
करेन्ट लागेर गम्भीर घाइते भएका दुवै जनालाई उपचारका लागि नेशनल मेडिकल कलेजमा लैजाने क्रममा बाटोमै दुवै जनाको मृत्यु भएको पर्साका प्रहरी नायव उपरीक्षक प्रेमबहादुर शाहीले बताए । मृतक दुवैको शव आफन्तले बुझेको प्रहरी नायव उपरिक्षक शाहीले जानकारी दिए ।

सम्बन्धित समाचार

नयाँ
« Prev Post
पुराना समाग्री
Next Post »