जनकपुर यातायात व्यवस्था कार्यालय अस्तव्यस्त

प्रकाशित समय 9:59:00 AM
जनकपुर, २५ असोज । जनकपुर यातायात व्यवस्था कार्यालयको अवस्था अस्तव्यस्त बनेको छ । कार्यालय जनकपुर उपमहानगरपालिका १४ मुजेलिया स्थित नयाँ भाडाको घरमा सरेको ४ महिना वित्न लाग्दा पनि हालसम्म नागरिक वडापत्र र उजुरी पेटिका राखिएको छैन । कार्यालयको कामकार्वाही व्यवस्थित नहुँदा दिनहु उक्त कार्यालयमा जाने हजारौ सर्वसाधारण सेवाग्राहीले सास्ती पाउने गरेका छन् ।
सवारीसाधन नामसारी, सवारी चालक अनुमति पत्र ,नविकरण जस्ता कामको लागि जाने सर्वसाधारणहरु सहज सेवाबाट बञ्चित हुने गरेका छन् । कार्यालय व्यवस्थत नहँुदा सानतिनो कामको लागि समस्या भोग्नु परेको सेवाग्राहीहरुको गुनासो छ ।
यता यातायात कार्यालयका निमित प्रमुख बालकृष्ण हुमागाईले कार्यालयलाई व्यवस्थित गर्न खोजेको दावी गरे । स्मार्ट लाईसेन्सको लागि निर्माणाधिन भवन अन्तिम चरणमा पुगेकाले तीन चार दिनभित्र नागरिक वडापत्रका साथै उजुरी पेटिका राखेर कार्यालय व्यवस्थित गर्ने र जनतालाई सहज सेवा प्रदान गर्ने बताए ।

सम्बन्धित समाचार

नयाँ
« Prev Post
पुराना समाग्री
Next Post »