ट्रान्सफर्मर विग्रिदा दुई हजार घर परिवार अन्धकारमा वस्न बाध्य, सरोकारवाला मोन

प्रकाशित समय 9:28:00 AM
गोलबजार, ११ कार्तिक । ट्रान्सफर्मर बिग्रिएर समयमा मर्मत नहुँदा गोलबजार नगरपालिका बडा नं. ९ र १० का स्थानीयबासी अन्धकारमा बस्न वाध्य भएका छन् । गोलबजार ९ मा रहेकोे ट्रान्सफर्मर करीब एक सातादेखि बिग्रिएको भएपनि नेपाल बिद्युत प्राधिकरण मिर्चैया बितरण केन्द्रले मर्मत नगर्दा दुई हजार घर परिवार अन्ध्यारोमा बस्न बाध्य भएको स्थानियहरुले बताएका छन् ।
ट्रान्सफर्मर मर्मतको माग गर्दै विद्युत प्राधिकरण कार्यालय मिर्चैयामा जानकारी गराएपनि कार्यालयले कुनै चासो नदिई कानमा तेलहाली सुतेको स्थानिय राम जिवन सिंहले गुनासो पोखेको  छ । करिब दुई हजार भन्दा बढी घरधुरी भएको सो बडामा ट्रान्सफर्मर जडान नगरिएकोले धान, गहँु कुटान–पिसान लगायत खानेपानिको समस्या हुनको साथै मोबाइल चार्ज गर्न पनि कठिनाई भईरहेको स्थानिय श्याम सुन्दर महतोले बताए । महतोका अनुसार विद्युत प्राधिकरण मिर्चैया बितरण केन्द्रले ट्रान्सफर्मरको क्षमताभन्दा बढप् थ्रिफेज मिटर जडान भएको कारण ट्रान्सफर्मर विग्रिएको हो ।
यता नेपाल विद्युत प्राधिकरण मिर्चैया बितरण केन्द्रका प्रमुख शिबराम यादबले हुकिङ्क गरी विद्युत चुहावटका कारण ट्रान्सफर्मर विग्रिएको छ । विग्रिएको ट्रान्सफर्मरलाई सुचारु गर्न हप्ता दिनसम्म लाग्न सक्ने बताएका छन् ।

सम्बन्धित समाचार

नयाँ
« Prev Post
पुराना समाग्री
Next Post »