जनकपुर अञ्चल अस्पतालमा असहाय बिरामीका लागि खाना र औषधी निःशुल्क

प्रकाशित समय 7:51:00 AM
जनकपुर, २२  कात्तिक । जनकपुर अञ्चल अस्पतालमा गरिब एवं असहाय बिरामीले बुधबारदेखि निःशुल्क खाना र औषधी पाउन थालेका छन् । अस्पतालमा गरिब तथा असहाय बिरामीले निःशुल्क पाउने खाना १२ वर्षअघि बन्द भएको थियो । असहाय संरक्षण मञ्चका अध्यक्ष एवं समाजसेवी बैद्यनाथ प्रसाद साहको प्रयासमा अबदेखि जनकपुर अञ्चल अस्पतालमा उपचारका लागि भर्ना भएका गरिब, असहाय तथा अपाङ्क बिरामीले निःशुल्क खानाको साथै निःशुल्क औषधीसमेत पाउने अस्पतालले जनाएको छ ।
अस्पतालमा प्रत्येक वर्ष गरिब, असहाय तथा अपाङ्क बिरामीका लागि रकम निकासा हँुदै आए पनि खर्च नभएर फ्रिज हँुदै आएको थियो । यस आर्थिक वर्षमा जनकपुर अञ्चल अस्पतालका लागि नेपाल सरकारले ३ लाख रुपैयाँ निकासा दिएइसकेको र खर्च अनुसार रकम ल्याउन समस्या नहुने भएकाले अबदेखि अस्पतालमा आउने सम्पूर्ण गरिब, असहाय तथा अपाङ्कहरुलाई दैनिक दुई छाक खाना उपलब्ध गराउने मेडिकल सुपरिडेन्टेन्ड रामपरिक्षण यादवले बताए ।
गएको वर्षदेखि अस्पतालमा भर्ना भएका गरिब, असहाय तथा अपाङ्क बिरामीहरुलाई गरिबहरुलाई सकेसम्म असहाय मञ्चका अध्यक्ष एवं समाजसेवी बैद्यनाथ साहले आफ्नै तर्फबाट खाना एवं औषधि उपलब्ध गराउँदै आएको थियो ।  समाजसेवी साहकै अगुवाईमा जनकपुर अञ्चल अस्पतालमा वर्षौदेखि फ्रिज हुँदै आएको खानाको रकम अबदेखि गरिब, असहाय बिरामीहरुकै खानामा खर्च गरिने डा. यादवले बताए ।
  खानाका लागि ५० रुपैयाँ प्रति प्लेटका दरले जनकपुर उपमहानगरपालिका १० बस्ने गोविन्द होटलका संचालक संजय साहले ठेक्का लिएको छ । उनले अस्पतालमै आएर अस्पतालद्वारा सिफारिस भएका विरामी र उनका कुरुवालाई खाना उपलब्ध गराउने बताए । अब निःशुल्क खाना पाउने भएपछि गरिब असहायहरु खुशी भएका छन् ।

सम्बन्धित समाचार

नयाँ
« Prev Post
पुराना समाग्री
Next Post »