वाम गठबन्धनको एजेण्डामा परेन संविधान संशोधन

प्रकाशित समय 8:28:00 AM
काठमाडौं, १९ कार्तिक । नेपाली कांग्रेससहित मधेशवादी दलले संविधान संशोधनलाई प्रमुख चुनावी एजेन्डा बनाएका छन् ।संविधानलाई सर्वस्वीकार्य बनाउन संशोधन आवश्यक रहेको ठहर कांग्रेससहितका दलको रहेको छ । तर वाम गठबन्धन भने संविधान संशोधनको विरुद्धमा देखिएको छ । वाम गठबन्धनको घोषणापत्रमा संविधान संशोधन राष्ट्रहितको विपरीत र राष्ट्रिय एकतालाई कमजोर पार्ने खालको रहेको छ ।
संविधान संशोधनको माग गर्दै मधेशमा लामो आन्दोलन भएपनि संविधान संशोधन हुन सकेको छैन । संसदमा पेस भएको संविधान संशोधन विधेयक एमालेका कारण विफल भएको थियो । तर माओवादी केन्द्र संविधान संशोधनको पक्षमा रहेको थियो । माओवादीले संविधान संशोधनको पक्षमा मतदानसमेत गरेका थिए । तर माओवादीसहितको वाम गठबन्धनको घोषणापत्रमा संविधान संशोधनको विरोध गरिएको छ ।
माओवादी नेता मातृकाप्रसाद यादवले संविधान संशोधनको विषयलाई वाम गठबन्धनले चुनावी एजेन्डा नबनाएकामा दुःख व्यक्त गरे । मधेशी जनताको भावनाअनुरूप पार्टी संविधान संशोधनको पक्षमा रहे पनि चुनावी एजेन्डामा समावेश नभएकाले मधेशमा पार्टीलाई समस्या हुन सक्ने उनले बताए ।हुलाकी न्यूजबाट

सम्बन्धित समाचार

नयाँ
« Prev Post
पुराना समाग्री
Next Post »