भोट हत्यारालाई कि शान्तिकर्मी पार्टीलाई ? ः पूर्व शान्ति मन्त्री सितादेवी

प्रकाशित समय 3:55:00 AM
गोलबजार, १० मंसिर । स्वार्थको पोको लुकाएर जनताको मुक्ति दिलाउने नाउँमा हिंसक युद्ध गरेर प्रचण्ड नेतृत्वको तत्कालिन नेकपा माओवादी पार्टीले हजारौं निर्दोष नेपालीलाई हत्या गराएको नेपाली काँग्रेस कोषाध्यक्ष एवम् पूर्व शान्ति मन्त्री सितादेवी यादवले बताइन् ।
काँग्रेस प्रचार प्रसार समितिले सिरहा न
गरपालिका–२२ हकपारा मा आयोजना गरेको चुनावी सभालाई सम्बोधन गर्दै उनले जनताको हित भन्दा सत्ताको लतमा हजारौं निर्दोष नेपालीको हत्या गराउनु वाहेक अरुको सोच माओवादीमा नरहेको पछिल्लो घटनाक्रमले रहस्य खुलाइसकेको बताइन् ।
जनहित चाहेको भए शान्तिको मार्गमा रहेर राजनीतिक गथ्र्यो निर्दोषलाई हत्या गराउने काम गर्थेन उनले प्रष्ट पारिन् । उनका अनुसार जनताको हित र आवाज विहिनहरुको आवाजलाई बुलन्द गर्ने कलमजीवि पत्रकारलाई हत्या गराउन काम माओवादीले नै गरेको कुरा सबैलाई जानकारी भएकै हुनुपर्छ । फेरी पनि देशमा हत्या, हिंसा र अशान्ति ल्याउन बाम शक्तिले कसरत गरिरहेको उनले दाबी गर्दै त्यसैको एक चरण सत्ता कब्ता रहेको बताइन् ।
हिंसाको बाटोमा रहेको ती माओवादीलाई काँग्रेसले शान्तिको मार्गमा ल्याएको बताउदै उनले शान्तिको मार्गबाट सत्ता कब्जा नहुने देखे पछि बामगठबन्धनको नाउँमा माओवादीले सत्ता कब्जा र जनतामाथि हुकुमी शासन गर्न खोजेको थपिन् ।
सत्ताको बागडोर अरुको हातमा रह्यो भने हिंसा गर्न समस्या पर्ने भएकोले सत्ता कब्जा गर्न बाम गठबन्धन बनाएको उनले दाबी गरिन् । हिंसा, हत्या र अशान्तिले कसैलाई फाइदा गर्दैन । देशमा हिंसक अवस्था आयो भने सबै भन्दा बढि समस्या विपन्न दलित गरिबलाई पर्ने गरेको उनको भनाई छ । माओवादीको कारण हिंसाको चपेटमा परेर देशमा अहिलेसम्म समस्या आइरहेको बताउँदै उनले आफु शान्तिमन्त्री हुँदा हिंसा पिडित परिवारहरुको स्वास्थ्य, सुरक्षा र रोजगारका लागि राहत स्वरुपको रकम निकास गराएको दाबी गरिन् ।
देशमा शान्ति कि अशान्ति चाहियो सबै कुरो अहिले जनता को हातमा छ जनता जे चाहन्छ त्यही हुन्छ उनले भनिन,‘राम्रोसँग बिचार पु¥याएर कसले जनताको हितमा काम गर्न सक्छ र विगतमा कसले राम्रो काम गरेका थिए त्यसलाई मात्र मतदान गर्नुस । नेपाली काँग्रेस सधै गाउँको विकास गर्न पक्षमा लड्दै आएको छ जबसम्म गाउँको विकास हुँदैन् तबसम्म देशमा आर्थिक सम्बृद्धि आउन नसक्ने उनले जिकिर गरिन् ।
नेपाली काँग्रेस जे बोलेका छन् त्यो गरेको इतिहास साक्षी रहेको काँग्रेसबाट सिरहा क्षेत्र नं.३ प्रति निधिसभा सदस्यका उम्मेदवार अमर रेग्मीले बताए । काँग्रेसले जनताको हितमा शासन व्यवस्था ल्याउन राणा, राजा तथा जन विरोधी अन्य शक्तिसँग जनताको साथ लिएर संघर्ष गरेर जनविरोधी सबैलाई पराजय गरेर प्रजातन्त्र ल्याएको उनले बताए ।
आमजनताको साथ लिएर काँग्रेसले ल्याएको जनहितकारी प्रजातान्त्रिक लोकतन्त्रलाई सत्ता स्वार्थमा बामगठबन्धनले धराप मा पार्न खोजेको उनले दाबी गर्दै त्यस्ता गठबन्धनलाई भोट नदिई जनताको हितमा बोल्ने र काम गर्ने काँग्रेसको रुख छापमा मतदान गर्न सबैलाई आग्रह गरे ।
सत्ता कब्जा गरी देशमा हुकुमी शासन व्यवस्था ल्याउने सोचलाई काँग्रेसले निस्तेज पार्दै आएपछि नेकपा एमाले र माओवादी केन्द्र एकअर्काको बैसाखी बनेर सत्ता कब्जा गरी हुकुमी शासन पद्धति लागु गर्न खोजेको काँग्रेसबाट सिरहा क्षेत्र नं.३ प्रदेशसभा सदस्य (ख) का उम्मेदवार डा सुभाषचन्द्र यादवले बताए ।
बाम शक्तिले हुन लागेको चुनाव मा बहुमत प्राप्त ग¥यो भने समानता, स्वतन्त्रता, सामाजिकता, सुशासन तथा विकासमा नकारात्मक असर पर्ने उनले दाबी गरे । प्रजातन्त्र वाहेक अरु कुनै व्यवस्थामा स्वतन्त्रता, समानता र जनशासन पद्धति नरहने गरेको बताउदै उनले प्रजातन्त्र ल्याउने र बचाउने अभियानमा रहेको काँग्रेसमा मतदान गर्न सबैसँग आग्रह गरे ।
चुनावीसभामा नेपाली काँग्रेस जिल्ला सचिव उपेन्द्र यादव, क्षेत्रीय सभापति संजयप्रकाश यादव, महेश यादव, मधुसुदन यादव लगायतले प्रजातन्त्रको महत्व दर्साउदै आ–आफ्ना विचार व्यक्त गरेका थिए । सभामा हजारौं व्यक्तिहरुको उपस्थिति रहेको थियो ।

सम्बन्धित समाचार

नयाँ
« Prev Post
पुराना समाग्री
Next Post »