उदयपुर, १३ मंसिर । अज्ञात समूह को एम्बुसमा परी घाइते भएका नेपाली कांग्रेस उदयपुरका उम्मेदवार नारायणबहादुर कार्की सहित सातै जनालाई थप उपचार का लागि हेलिकोप्टरमार्फत् काठमाडौं लगिएको छ ।
गम्भीर घाइते उमेदवार कटारी नगरपालिका–७ रिस्कुका कार्की, उदयश्री बहुमुखी क्याम्पस कटारी का नेविसंघका सभापति कटारी ३ की २३ वर्षीया मिरा कटुवाल लाई हेलिकोप्टरमार्फत् काठमाडौं प
ठाइएको हो ।
एम्बुसमा परी घाइते भएका युके एफएम कटारीका सञ्चालक समिति सदस्य पत्रकार कटारी नगरपालिका ३ का ३० वर्षीय नवराज पौडे्ल, उदयपुरगढी गाउँपालिका वडा ८ की धनमाया धौलाकोटी, वडा २ का गणेश पुरी, चालक कटारी नगरपालिका ७ रिस्कुका ३६ वर्षीय राजन कार्की र जवान कालिदास श्रेष्ठ घाइतेलाई दोस्रोचरणमा हेलिकोप्टरमार्फत् काठमाडौं ल्याइएको हो ।
घाइते सबैको काठमाडौंस्थित टिचि· अस्पतालमा उपचार भइराखेको छ । जिल्ला प्रहरी कार्यालयका डीएसपी मेघराज अधिकारीका अनुसार विस्फोटमा परेको गाडीमा ८ जना सवारत थिए। ति मध्ये उमेदवारको सुरक्षार्थ खटिएका प्रहरी हवल्दार कृष्ण श्रेष्ठलाई चोटपटक नदेखिएकाले जिल्लामै राखिएको डीएसपी अधिकारीले बताए ।
उमेदवार कार्कीलाई लक्षित गरी अज्ञात समूहले बुधबार बिहान थापेको एम्बुस विस्फोटन हुँदा बा १ च ७८०६ नम्बरको जिप मा सवारत उम्मेदवारसहित पाँच जना घाइते भएको डीएसपी अधिकारीले बताए ।
घटनास्थलमा प्रमुख जिल्ला अधिकारी चन्द्रमान श्रेष्ठ, एसपी नवराज भट्टलगायत चार वटै सुरक्षा निकायका प्रमुख पुगेका छन् । प्रजिअ श्रेष्ठका अनुसार कार्कीको एउटा हात चलेको छैन् भने आँखाल ेसमेत काम गरेको छैन् । उनको जीउका प्राय सबै भागमा चोट लागेको स्थानीय बोधकुमार घिमिरेले बताए । उता घाइते कटुवालको एउटा खुट्टाको कुर्कुचा मुनीको भाग नै नरहेको जनाइएको छ ।
उदयपुरगढी गाउँपालिका ६ नेपालटार बजारमा आयोजना गरिएको चुनावी सभालाई सम्बोधन गर्न जाँदै गरेका प्रतिनिधिसभा २ का कांग्रेस उम्मेदवार कार्कीलाई लक्षित गरी सोही वडाको दनुवारबेसीमा थापिएको एम्बुस विस्फोट भएको हो। कार्की २०७० सालमा क्षेत्रनं ३ बाट निर्वा्चित सांसद हुन् ।
घटनास्थल सदरमुकाम गाईघाट देखि ४५ किलोमिटर पश्चिम क्षेत्रमा पर्दछ । मंगलबार मात्र नेपाली कांग्रेस प्रतिनिधिसभा निर्वचन क्षेत्र १ का उमेदवार डा. नारायण खड्का र सोही क्षेत्रको प्रदेससभा २ का कांग्रेसका उम्मेदवार हिमाल कार्कीलाई लक्षित गरी वम विस्फोटन गराइएको थियो ।
