मधेसमै सपथग्रहण नगराए बहिष्कार गर्ने नेता मण्डलको चेतावनी

प्रकाशित समय 4:47:00 AM
राम नारायण पंडित
सिरहा, १ माघ । राष्ट्रिय जनता पार्टी नेपालका नेता सुरेश मण्डलले काठमाडौंमा शपथ नलिने घोषणा गरेका छन् । सिरहा क्षेत्र नं. ४ का “ख” प्रदेशसभाका सदस्य  समेत रहेका मण्डलले सरकारले संघीयता असफल बनाउन चालिएको कदमलाई बहिष्कार गर्ने चेताबनी दिएका हुन् । उनले भने “आफ्नै प्रदेशमा शपथ खान्छु, आफ्नो प्रदेशभन्दा बाहिर गएर शपथ खादिन्न्, यदि सरकारले जबजस्ति काठमाण्डौमा सथपग्रहण गराउन खाज्यो भने बहिष्कार गर्छु” ।
राजपा नेपालका सहमहामन्त्रि समेत रहेका मण्डलले प्रदेश नम्बर २ भित्रै शपथ लिने कार्यक्रम बनाइएन भने मधेस केन्द्रित दलले शपथ कार्यक्रम बहिष्कार उदघोष गरे । संघीयता कार्यान्वयन गर्ने मुख्य कडीका रुपमा लिइएको प्रदेशसभा गठनको सुरुको चरण नै कार्यान्वयन नगरेकोमा नेता मण्डलले रोष प्रकट गरेका हुन् । उनले भने “काठमाडौंमा शपथ खुवाउनु भनेको संविधान र संघीयताको मूल मर्ममाथि नै प्रहार गर्नु हो, संघीयतालाई सुरुदेखि नै कार्यान्वयन गर्न प्रदेशसभा सदस्यलाई सम्बन्धित प्रदेशमा शपथ खुवाउनुपर्छ नत्र बहिष्कार गर्छु ।” तत्काल अस्थायी राजधानी र प्रदेश प्रमुख तोक्न समेत नेता मण्डलले सरकारसंग माँग गरेका छन् ।
केन्द्रिय राज्यसत्तासंग अधिकारको लडाई र मधेसमा बिकास तथा सुशासन कायम गर्नु मधेशबादी पार्टीको मुख्य कार्यभार रहेको समेत नेता मण्डलले स्पष्ट गरे । उनले भने “संिघयता, समानुपातिक समाबेशी, मधेशप्रदेश, मधेश सरकार मधेशी पार्टीको देन हो, यसलाई रक्षा गर्नुपर्छ ।” नेपाली कांग्रेस, नेकपा एमाले र नेकपा माओवादीले बनाएको कथित उत्कृष्ट संविधान ढोका बिनाको घर रहेको समेत उनले टिप्पणी गरे ।
सिरहाको कल्याणपुर नगर पालिकाका प्रथम नगर सभाको आइतबार उदघाटन गर्दै नेता मण्डलले संघिय संविधान अनुसार प्रदेशसभाको निर्वाचन भइसक्दा पनि प्रदेश सांसदको शपथग्रहण र पहिलो बैठक काठमाडौंमा गर्ने तयारी गर्नु एकात्मक राज्यसत्तालाई नै निरन्तरता दिन खोज्नु रहेको बताए ।
नेता मण्डलले कल्याणपुर नगरपालिकाको भौगोलिक र सामाजिक बनौट (बृताकार र समाबेशी) बिशेष किसिमको रहेकोले नगरपालिकालाई नमुना नगरपालिका बनाउनु पर्नेमा जोड दिएका छन् । प्रमुख अतिथिको आसनबाट कार्यक्रमलाई सम्बोधन गर्दै उनले भने “ जनप्रतिनिधीलाई इमान्दार भई जनताको सेवामा लाग्नु पर्छ, जनताले महसुस हुने गरी बिकास गर्नुपर्छ, कागजी बिकाससे परम्पराको अन्त्य हुनैपर्छ र राष्ट्र सेवक कर्मचारीलाई ईमान्दार हुनुपर्छ ।” मधेशको शैक्षिक अवस्थामा ब्यापक सुधारको खाँचो रहेकोले शिक्षकहरुलाई विद्यालयमा राजनीति नगरी स्वच्छ शैक्षिक वातावरण निर्माण गरी समग्र शिक्षामा परिवर्तन ल्याउन नेता मण्डलले सुझाब दिएका हुन् । कल्याणपुर नगरपालिकाले अगामी आर्थिक वर्षका लागि ४२ करोडको बजेट प्रस्तुत गरेका छन् ।

सम्बन्धित समाचार

नयाँ
« Prev Post
पुराना समाग्री
Next Post »