प्रहरी हिरासतबाट आठ थुनुवा फरार

सिरहा, १६ मंसिर । सिरहाको लक्ष्मीपुरपतारी गाउँपालिका–५ महेशपुर पतारमा रहेको इलाका प्रहरी कार्यालयको हिरासतबाट आठजना थुनुवा फरार भएका छन । विभिन्न आरोपमा पक्राउ गरी प्रहरी हिरासतमा राखिएका आठजना थुनुवा शनिबार दिउँसोको खाना खुवाउने वेलामा फरार भएका हुन । फरारमध्ये एकजनालाई तत्कालै पक्राउ गरिएको जिल्ला प्रहरी कार्यालय सिरहाका प्रमुख प्रहरी उपरीक्षक उमाप्रसाद चतुर्वेदीले जानकारी दिए ।
फरार भएका थुनुवाहरू लुक्न सक्ने र सीमा काट्ने सम्भावनालाई मध्यनजर गर्दै खोजतलास तीव्र बनाइएको प्रहरी उपरीक्षक चतुर्वेदीले बताए ।कल्याणपुर नगरपालिका–१२ मा भएको वडाध्यक्षको निर्वाचनमा सुरक्षाका लागि प्रहरी खटाइएकाले ड्युटीमा सीमित प्रहरी रहेको मौका छोपेर थुनुवा फरार भएका प्रहरीले जनाइएको छ ।
‘हिरासतबाट भागेका थुनुवा भारततिर भाग्न सक्ने सम्भावनाका आधारमा भारतसँग सीमा जोडिएका ठाढी, झाँझपट्टी, बरियारपट्टी, औरही, लगडिगदियानी, इँटाटार, माडरलगायतका सीमावर्ती नाकाहरूमा प्रहरी परिचालन गरेका छौँ,’ एसपी चतुर्वेदीले भने ।

#Breaking #Headline1 #Headline2 #Main News #National #social #स्थानीय

सम्बन्धित समाचार