बाराको गढीमाई मेलामा दिइने पशुबली प्रथालाई प्रदेश २ सरकारले निरुत्साहन गर्ने

प्रकाशित समय 6:08:00 PM

काठमाडौं, १६ मंसिर । प्रदेश २ सरकारले बाराको गढीमाई मेलामा दिइने पशुबली प्रथालाई निरुत्साहन गर्ने भएको छ । आन्तरिक मामिला तथा कानुन मन्त्री ज्ञानेन्द्रकुमार यादवले प्रेस विज्ञप्ति निकालेर समयको परिवर्तनसँगै विभिन्न किसिमका प्रथा, परम्परा र अभ्यास स्वरुप बली प्रथालाई निरुत्साहित गर्दै लैजाने बताउनुभयो ।
विज्ञप्तिमा भनिएको छ, ‘धार्मिक तथा सांस्कृतिक मेला, पर्व र उत्सवहरु हाम्रो गौरवशाली धरोहर भएकाले यसलाई मानवीय मूल्य, मर्यादा र गरिमा अनुरुप सात्विक ढंगले मनाउन सरोकारवाला, स्थानियवासी एवं श्रद्धालु भक्तजनसँग आग्रह गर्दछु ।’ पशुबलीलाई निरुत्साहित गर्दै यसपाली गढीमाई मन्दिरमा चढाइने परेवा संरक्षण गर्न २० जना स्वयंसेवक परिचालन पनि गरिएको छ ।
अहिले गढीमाई मेलामा भक्तजनको घुइँचो बढेको छ । महागढीमाई नगरपालिका १ बरियारपुरमा लागेको मेलामा नेपाल र भारतका दर्शनार्थीको घुइँचो बढेको गढीमाई मन्दिरका पुजारी मंगल चौधरीले बताउनुभयो । गढीमाई मेला गएको मंसिर १ गतेदेखि सुरु भएको हो ।

सम्बन्धित समाचार

नयाँ
« Prev Post
पुराना समाग्री
Next Post »