वनले रोपेको रुख व्यक्तिले काटे

प्रकाशित समय 10:08:00 AM
सिरहा, ७ चैत । पूर्वपश्चिम सडक अन्तर्गत सिरहाको गालबजार नगरपालिका ४ मा ग्रिनबेल्टको लागि सडक किनारमा लगाएको सपेताको रुख व्यक्तिले काटेको छ । गोलबजार नगरपालिका ४ निपनियाँमा सडक किनारमा रहेको दुई वटा ठूला सपेताको रुखहरु स्थानीय सुनिल साहले काटेका हुन् ।
उनले आफ्नो जमिनमा परेको भन्दै वन कार्यालयसँग मैखिक अनुमति लिएर काटेको बताएको छ । बनसँग मौखिकरुपमा अनुमति लिएको बताए । राज्यले आफ्नो लगानीमा बषौं पहिला रोपेर हुर्काएको विरुवा उनले मनमानि तरिकाले काटेपनि सम्वन्धित वन कार्यालय भने मौन रहेको छ । वन कार्यालयका कर्मचारीकै मिलेमत्तोमा साहले रुख कटान गरेको स्थानीयको आरोप छ ।
स्थानीयले वन कार्यालयका कर्मचारीलाई जानकारी गराएपनि कुनै वास्ता नगरेको गुनासो गरेका छन् । जिल्ला वन कार्यालय लहानका प्रमुख डिभिजन वन अधिकृत शुभाषचन्द्र दाससँग बुझ्दा उनले आफूलाई यसविषयमा कुनै जानकारी नभएको बताए ।
उनले भने,  ‘कुनैपनि रुख व्यक्तिले मनपरी काट्न पाउँदैन, त्यसमा पनि सडक किनारको रुख काट्न त झनै पाउँदैन । उनले कुन प्रकृयाले काटेको हो म चाँडै बुझ्न लगाउँछु ।’

सम्बन्धित समाचार

नयाँ
« Prev Post
पुराना समाग्री
Next Post »