दुई महिनादेखि रिक्त विद्यालय व्यवस्थापन समिति गठन

प्रकाशित समय 10:12:00 AM
सिरहा, ७ चैत्र । दुई महिनादेखि रिक्त रहेका सिरहाको मिर्चैैयास्थित श्री मोहन माध्यमिक विद्यालय (आ.प्रा.) मा व्यवस्थापन समिति गठन भएको छ । गत मंगलबार सम्पन्न अभिभावकहरुको भेलाले चन्दे यादव, निर्मला महरा, पूजा कापैर र रामधनी मोचीलाई चयन गरिएको छ । चयन भएको चारै जनाको बैठकले दुई जनाको मनोनित गरिने छ भने पदेन सदस्यमा सम्बन्धित वडाका वडाध्यक्ष र विद्यालयको तर्फबाट एक जना शिक्षक प्रतिनिधि रहने जनाइएको छ ।
नौ जना कार्यसमित रहने विद्यालय व्यवस्थापन समितिले केही दिनमै पूर्णता पाउने विद्यालय व्यवस्थापन समितिका सचिव तथा श्री मोहन माध्यमिक विद्यालयका प्रधानाध्यापक अशोक कुमार यादवले जानकारी दिनुभयो । त्यसबेला मिर्चैैया नगरपालिकाका नगरप्रमुख श्रवण यादव, शिक्षा अधिकारी डम्बरध्वज आङ्दाम्बे, श्रोत व्यक्ति श्यामप्रसाद यादव, वडा नं. ५ का वडाअध्यक्ष धिरेन्द्र कुमार साह लगायत स्थानीय बुद्धिजीवी, पत्रकार, प्रशासन, अभिभावकहरुको उल्लेख्य उपस्थिति रहेको थियो ।
विद्यालय व्यवस्थापन समिति नहुँदा प्रदेशबाट स्वीकृत भएको कम्प्युटर ईन्जिनियरको काम, नमूना विद्यालयको कामकाज, नयाँ शिक्षक भर्ना लगायतका तत्कालै गर्नुपर्ने काम ठप्प भएको थियो । शिक्षा नियमावली अनुसार विद्यालय व्यवस्थापन समिति गठन भएसँगै विद्यालय व्यवस्थापन समिति अभावका कारण रोकिएको कामकाज सुचारु हुने प्रधानाध्यापक अशोक यादवले जानकारी दिनुभयो ।

सम्बन्धित समाचार

नयाँ
« Prev Post
पुराना समाग्री
Next Post »